08 Shkurt 2023

Josipoviç: Kroacia nuk ndërhyn në çështjen e Kosovës

Zagreb, 19 korrik - Presidenti i Kroacisë, Ivo Josipoviç, gjatë një takimi në Beograd me presidentin serb, Boris Tadiç, ka deklaruar se shpresonte që autoritetet e Kosovës dhe të Serbisë, në bashkëpunim me bashkësinë ndërkombëtare, të gjejnë një zgjidhje për problemet ekzistuese.

Ai ka shtuar se Kroacia nuk do të ndërhyjë në këtë çështje. Ai ka thënë se Kroacia e ka njohur pavarësinë e Kosovës dhe se nuk ka ambicie për të ndërmjetësuar në zgjidhjen e kësaj çështjeje me Serbinë, por ka shtuar se Qeveria dhe Ministria e Jashtme e vendit të tij me vëmendje po i përcjellin ndodhitë për këtë temë.

Ndërkohë, Tadiç ka përsëritur se Serbia në çfarëdolloj kushtesh dhe shantazhesh nuk do të pranojë që në mënyre direkte ose indirektë të njohë pavarësinë e Kosovës.

Ai ka thënë se Serbia pret nga vendet e rajonit që të jenë të përmbajtura dhe të mbështesin këtë qëndrim të Serbisë, ashtu "që zgjidhja e çështjes së Kosovës të bëhet përmes marrëveshjes dhe kompromisit".

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)