01 Shkurt 2023

Integriteti territorial i Belgjikës përsëri në pikëpyetje

Bruksel, 6 shtator - Një politikan i lartë belg ka paralajmëruar publikun në Belgjikë të përgatitet për ndarjen territoriale të vendit, ndërkohë që Mbreti Albert vazhdon presionin për rifillimin e bisedimeve të vështira për formimin e një qeverie të re.

Anëtarja e Partisë Socialiste Frankofone, Laurette Onkelinx, e  bëri paralajmërimin e saj në një koment të publikuar sot në gazetë. Ky koment bëhet dy ditë pasi Shefi i Partisë Socialiste Frankofone Elio Di Rupo hoqi dorë nga bisedimet me udhëheqësit e përkatësisë flamande lidhur me formimin e qeverisë së re.

Qeverisja në Belgjikë ka qenë e mbërthyer nga ky ngërç politik prej më shumë se një viti. Aleanca e Re Flamande, e cila përfaqëson pjesën veriore të vendit, ku flitet kryesisht holandisht, kërkon ndarjen paqësore të Belgjikës.

Nga ana e tij, jugu i vendit, një pjesë më e varfër dhe e prapambetur e Belgjikës, ku flitet frëngjisht, shqetësohet se mund të ketë vështirësi më të mëdha ekonomike nëse veriu shkëputet.

Mbreti Albert u kërkoi mbrëmë figurave kryesore të Parlamenteve në të dy rajonet të përpiqen përsëri për rifillimin e bisedimeve për krijimin e një qeverie federative.

Kalendari

Ngjarjet e datës 1 shkurt 2023

- Ndërmarrja Publike Banesore, qiramarrësit, punëtorët e lokaleve dhe qytetarë të tjerë protestojnë për rritjen e çmimit të qirasë për lokalet në Prishtinë.  (Komuna e vjetër e Prishtinës, ora 9:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 9:30)
 
- Auditorja e Përgjithshme, Vlora Spanca do të shpalos gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”. (Ambientet e Zyrës Kombëtare të Auditimit, ora 11:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 11:30)

- Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)