27 Shtator 2022

GND përjashton mundësinë e ndarjes së Kosovës

Prishtinë, 14 qershor - Grupi Ndërkombëtar Drejtues që u mblodh në Prishtinë në nivel të drejtorëve politik e përjashtoi mundësinë e ndarjes së Kosovës. Po ashtu u paraqit qëndrimi se pavarësia e Kosovës është e pakthyeshme ndërsa u kërkua nga institucionet vendore përkushtim më i madh në luftën kundër korrupsionit dhe krimit të organizuar si parakusht për perspektivën evropiane të Kosovës.

Dy vite pas hyrjes në fuqi të Kushtetutës së Kosovës, drejtorët politik të 25 shteteve anëtare të Grupit Ndërkombëtarë Drejtues i vlerësuan pozitivisht të arriturat që janë shënuar në Kosovë. Në të njëjtën kohë u kërkua përkushtim më i madh i institucioneve ndaj fenomeneve negative siç janë korrupsioni dhe krimi i organizuar. Nuk mbeti pa u trajtuar as situata në pjesën veriore të Kosovës.

Përfaqësuesi Civil Ndërkombëtarë mandati i të cilit buron nga Grupi Ndërkombëtarë Drejtues, u shpreh i inkurajuar me siç tha vendosmërinë e Institucioneve të Kosovës për të luftuar korrupsionin dhe krimin e organizuar.

Ndërkohë udhëheqësit e Institucioneve thane se kanë shprehur përkushtimin e tyre për ti luftuar dukuritë negative në vend. Presidenti Sejdiu dhe kryeministri Thaçi përsëritën qëndrimin se askush nuk mund të jetë mbi ligji dhe se politika nuk duhet të ndërhyjë në drejtësi.

Grupi Drejtues Ndërkombëtarë përbehet nga 25 shtete anëtare, përfshirë SHBA-të dhe shtete kryesore të BE-së. Ky grup është formuar për të mbikëqyrur zbatimin e planit të Ahtisarit mbi bazën e të cilit Kosova e ka shpallur pavarësinë.

Kalendari

Ngjarjet e datës 27 shtator 2022  - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)