30 Janar 2023

GJND vendos pro Pavarësisë se Kosovës

Hagë, 22 korrik - Gjykata ndërkombëtare e Drejtësisë sot ka vlerësuar si plotësisht të ligjshme shpalljen e njëanshme të pavarësisë së Kosovës më 17 shkurt të vitit 2008.

Presidenti i Gjykatës Ndërkombëtare të Drejtësisë, Hiasashio Ovada, tha se shpallja e njëanshme e pavarësisë së Kosovës nuk ka shkelur asnjë dokument të Kombeve të Bashkuara.

Gjykata me 10 vota pro dhe 4 kundër  miratoi mendimin se pavarësia e Kosovës nuk ka shkelur asnjë të drejtë ndërkombëtare, kështu që ajo nuk ka shkelur kornizën kushtetuese dhe rezolutën 12 44 të Kombeve të Bashkuara. Më tej Owada theksoi se ka votuar kundër, nënkryetari i gjykatës, gjyqtari nga sllovakia Tomka.

"Gjykata konsideron se e drejta e shteteve për t'u shpallur të pavaruar nuk është e ndaluar nga aktet ndërkombëtare dhe s'ka ndonjë ligj i cili të ndalojë të drejtën e pavarësisë për popujt të cilët ndodhen në nën regjimin e një shteti tjetër " theksoi Owada.

Në këtë aspket, ai ka përmendur ecurinë e tërësishme të zhvillimve politike në Kosovë, që kanë të bëjnë me vendosjen e misionit të OKB-së në Kosovë, vendosjen e KFOR-it e të tjera.

Sipas tij, shpallja e pavarësisë është proces politik dhe jo ligjor.

Ai ka shtuar më tej se pavarësinë nuk e pengon as rezoluta 1244, e cila kishte si qëllim të merrej më situatën që ishte në Kosovë.

“Konkludojmë se rezoluta 1244 përcakton një qëndrim të përkohshëm të ndërkombëtarëve. Ajo e kishte mandatuar UNMIK-un që të lehtësonte procesin e zgjidhjes së cështjes së Kosovës”, ka shtuar presidenti.

Para dhënies së vendimit përfundimtar ai është shprehur se popullsia e Kosovës ka të drejtë të krijojë një shtet të pavarur për vetëvendosje.

Presidenti ka theksuar gjithashtu se OKB mbështet plotësisht parimin e integritetit territorial, por ka nënvizuar se ky parim është i kufizuar në bazë të raporteve mes shteteve.

Gjithsej tridhjetë e gjashtë shtete anëtare të Kombeve të Bashkuara paraqitën deklarata me shkrim brenda afatit të fiksuar kohor: Republika Çeke, France, Qipro, Kina, Zvicra, Rumania, Shqipëria, Austria, Egjipti, Gjermania, Sllovakia, Federata Ruse, Finlanda, Polonia, Luksemburgu, Libia, Mbretëria e Bashkuar, Shtetet e Bashkuara të Amerikës, Serbia, Spanja, Irani, Estonia, Norvegjia, Holanda, Sllovenia, Latvia, Japonia, Brazili, Irlanda, Danimarka, Argjentina, Azerbajxhani, Maldivet, Sierra Leone, Bolivia dhe Venezuela.

Gjatë këtyre dëgjimeve, prezantime me gojë janë paraqitur në emër të Serbisë, autorëve të Deklaratës të Pavarësisë, Shqipërisë, Gjermanisë, Arabisë Saudite, Argjentinës, Austrisë, Azerbajxhanit, Belarusisë, Bolivisë, Brazilit, Bullgarisë, Burundit, Kinës, Qipros, Kroacisë, Danimarkës, Spanjës, Shteteve të Bashkuara të Amerikës, Federatës Ruse, Finlandës, Francës, Jordanisë, Norvegjisë, Holandës, Rumanisë, Mbretërisë së Bashkuar, Venezuelës dhe Vietnamit.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)