07 Tetor 2022

"Financial Times": Koha është në anën e Kosovës

Londër, 9 qershor - Gazeta britanike "Financial Times" (FT) ka publikuar në numrin e djeshëm një analizë të gjatë të situatës politikë ne Kosovë, me vlerësimin se pengesë të madhe për rritjen ekonomike të Kosovës paraqet pamundësia e pjesëmarrjes në takimet ndërkombëtare pa ndërmjetësimin e UNMIK-ut. Megjithatë, gazeta vlerëson se koha është në anën e Kosovës.

Gazeta kujton se Serbia dhe disa vende të rajonit refuzojnë të pranojnë akcizat e reja të Kosovës, që ka vështirësuar shumë tregtinë e kompanive të vogla lokale, të cilat janë të gatshme të eksportojnë produktet e tyre.

Kosova edhe në CEFTA është përfaqësuar përmes UNMIK-ut, por FT parashikon se këtu mund të ndodhë ndryshimi vitin e ardhshëm, kur Kosova, përmes UNMIK-ut do të marrë kryesimin e radhës përmes rotacionit të Unionit Tregtar Rajonal.

Me vlerësimin se Serbia dhe Kosova në planin ndërkombëtar po zhvillojnë luftën për mbështetjen e vendeve të tjera, gazeta shkruan se "koha sigurisht është në anën e Kosovës".

FT vlerëson se kanë ndryshuar marrëdhëniet e përfaqësuesit ndërkombëtar ndaj strukturave paralele në veri të Kosovës, pasi që tani shihen si relevantë, ndërsa më parë refuzonin bashkëpunimin me ta.

"Mund të punoj me të gjithë, kushdoqofshin ata, pasi që duhet të zgjidh problemet dhe të ul armiqësinë midis dy palëve", transmeton "Financial Times", fjalët e shefit të UNMIK-ut, Lamberto Zannier.

Kalendari

Ngjarjet e datës 7 tetor 2022 - Komisioni i posaçëm për shqyrtimin e kandidatëve për emërim në Gjykatën Kushtetuese shqyrton nominimet e kandidatëve për gjyqtar në Gjykatën Kushtetuese lidhur me përmbushjen e kushteve të parapara me Kushtetutë dhe Ligj. (Ndërtesa e Kuvendit, salla C301, ora 9:00)

- Ministria e Zhvillimit Rajonal dhe Caritas Zviceran në Kosovë lansojn thirrjen “Projektet Investuese të Diasporës” në kuadër të projektit “Veprimi i Komunave për Riintegrim dhe Diasporë – MARDI”. (Ndërtesën Qeverisë, salla P38, ora 9:30)

 - Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Kryetari i Komisionit për Punë të Jashtme dhe Diasporë, Haki Abazi mban konferencë për medie lidhur me qëndrimet dhe vlerësimet për proceset e rëndësishme nëpër të cilat po kalon vendi. (Holli i Kuvendit të Kosovë, ora 10:00)

- Rrjeti i Grave të Kosovës dhe Fondi i Kombeve të Bashkuara për Popullsinë publikojnë përmbledhjen e politikave 'Dispozitat për koston e lejes së lindjes, atësisë dhe pushimit prindëror në Ligjin e Punës', të shkruar nga Dita Dobranja në emër të RrGK-së. (Hotel Sirus, ora 10:00)

- OJQ Aktiv organizon prezantimin e “Udhëzuesin për verifikimin bazë të informacionit mediatic” i cili është i dedikuar kryesisht për komunitetin serb të Kosovës. (Qendra e Energjisë Qytetare në Mitovicën e Veriut, ora 11:00)

- Sekretari Gjeneral i FIBA Andreas Zagklis takohet me Ministrin e Kulturës, Rinisë dhe Sportit të Kosovës, Hajrulla Çeku. (Ndërtesa e Ministrisë së Kulturës, ora 11:00)