05 Tetor 2022

Çurkin: Besoj në negociatat e reja mbi statusin e Kosovës

Moskë, 16 korrik - Përfaqësuesi i përhershëm i Rusisë në Këshillin e Sigurimit, Vitalij Çurkin, ka thënë se vetëm me dialogun e ri mund të arrihen zgjidhje afatgjata, duke shtuar se Rusia kundërshton fuqimisht pavarësinë e Kosovës.

Në një intervistë ekskluzive për gazetën “Veçernje novosti” të Beogradit, Çurkin u shpreh se Rusia mbështet rifillimin e negociatave mes udhëheqësve serbë dhe atyre shqiptarë, duke theksuar se beson sinqerisht se ato do të vazhdojnë.

”Konsideroj se është me rëndësi që ëshilli i Sigurimit i Kombeve të Bashkuara ta kontrollojë situatën. Duhet gjetur një zgjidhje afatgjatë dhe shpresoj se Prishtina do t’i përgjigjet pozitivisht ftesës së udhëheqjes së Serbisë për rinisjen e negociatave serbo-shqiptare mbi zgjidhjen e statusit të Kosovës”, thotë Çurkin.

Sipas tij, kjo është e vetmja gjë e logjikshme dhe me anë të kësaj rruge mund të arrihet zgjidhja afatgjate e cila do t''i kënaqte të dy palët. Sa i përket Gjykatës Ndërkombëtare të Drejtësisë, Çurkin thotë se duhet pritur, sepse nga parashikimet s’mund të thuhet asgjë me siguri.

Ai ka rikujtuar se Rusia e ka mbështetur Serbinë në Asamblenë e Përgjithshme të OKB-së “kur me të drejtë ka këmbëngulur që gjykata të interpretojë sa është në harmoni, respektivisht në kundërshtim me të drejtën ndërkombëtare vendimi i shqiptarëve që në mënyrë arbitrare ta shpallin pavarësinë e shtetit”.

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)