24 Shtator 2021

Borrell raporton për dialogun Kosovë-Serbi

Bruksel, 22 mars - Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell, do të flasë sot në takimin e ministrave të Jashtëm të BE-së për ecurinë e dialogut midis Kosovës dhe Serbisë, si dhe për çështje të tjera të lidhura me Ballkanin Perëndimor.

Sipas paralajmërimeve të BE-së, Borrell pritet t’iu raportojë ministrave edhe për vizitat që ka zhvilluar së voni në Prishtinë dhe Beograd i dërguari i posaçëm i BE-së për dialogun, Mirosllav Lajçak.

Javën e kaluar, edhe vetë Lajçak ka folur para ambasadorëve të vendeve anëtare për këto vizita.

Ai ka theksuar rëndësinë e vazhdimit të dialogut, si dhe rëndësinë që ka bashkëpunimi mes Bashkimit Evropian dhe Shteteve të Bashkuara të Amerikës për çështjet e Ballkanit Perëndimor, e sidomos për dialogun mes Kosovës dhe Serbisë.

Bashkimi Evropian pret që dialogu të vazhdojë menjëherë pas krijimit të Qeverisë së re të Kosovës dhe të institucioneve të tjera, të dala nga zgjedhjet e 14 shkurtit.

Qëllim i dialogut, sipas BE-së, vazhdon të jetë arritja e një marrëveshjeje për normalizimin gjithëpërfshirës të raporteve mes Kosovës dhe Serbisë.

Gjatë takimit të sotëm të ministrave të BE-së do të diskutohet edhe për Bosnje e Hercegovinën.

Pesë shtete të BE-së kanë paraqitur një dokument, përmes të cilit kërkojnë një angazhim më të madh të BE-së në Bosnje e Hercegovinë dhe ndihmë për këtë shtet për të forcuar funksionalitetin dhe për të përmbushur kushtet për marrjen e statusit të kandidatit për anëtarësim në BE.

Bashkimi Evropian është i fokusuar më së shumti në masat kundër pandemisë së koronavirusit, por në këtë kohë disa shtete kanë kërkuar që nga fokusi të mos hiqet as rajoni i Ballkanit Perëndimor, as procesi i zgjerimit, e as bashkëpunimi politik mes BE-së dhe shteteve të rajonit.

Kalendari

Ngjarjet e datës 24 Shtator 2021

- Komisioni për Integrim Evropian shqyrton Programin Kombëtar për zbatimin e Marrëveshjes së Stabilizim- Asociimit 2021-2025, i ftuar Besnik Bislimi, zëvendëskryeministër i parë për Integrim Evropian, Zhvillim dhe Dialog. (Ndërtesa e Kuvendit, salla N204, ora 9:00)    

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione rishqyrton planin e punës për sesionin vjeshtor 2021. (Ndërtesa e Kuvendit, salla N302, ora 10:00)

- Kandidatit të PDK-së për komunën e Prizrenit, Shaqir Totaj viziton KF “Liria”  dhe me pas KF “Prizreni” . (Stadiumi i Prizrenit, ora 10:30)

- Kandidati për Kryetar të Prishtinës, Uran Ismaili do të mbaj sot konferencë për media. (Te Deponia Ilegale e mbeturinave, afër Tauk Bahçes, ora 14:00 - mediat i presim në udhëkryqin e Tauk Bahçes, te rruga e Bledit, nga ora 13:40)

- Kandidati për kryetar të Komunës së Malishevës, Ekrem Kastrati, sot mban takim elektorale me strukturat e rinisë së degës së Nismës në Malishevë. (Stadiumi “Liman Gegaj” në Malishevë, ora 14:00)

 - Kandidatit të PDK-së për komunën e Prizrenit, Shaqir Totaj bashkë me Kryetarin e PDK-së, Memli Krasniqi viziton Bashkësinë Islame në Prizren. (Prizren, ora 14:15)

 - Kandidatit të PDK-së për komunën e Prizrenit, Shaqir Totaj shpalos programit për arsim. (Qendra Europa, në Plato, ora 16:00)

- Banka Qendrore e Kosovës mbanë konferencë për shtyp. (Objekti i BQK-së, ora 16:00)

- Mbahet dita e dytë e Kongresit të Parë Klinik i Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)