30 Janar 2023

BE-ja apelon për pajtim mes Serbisë dhe Kosovës

Bruksel, 23 korrik -  Pas konfirmimit të ligjshmërisë së shpalljes së pavarësisë së Kosovës prej GJND në Hagë, BE-ja i ka bërë thirrje Serbisë dhe Kosovës për fillimin e dialogut.

E ngarkuara për punë të jashtme e BE-së, Catherine Ashton, kumtoi se BE-ja do të angazhohet për pajtim mes Serbisë dhe Kosovës. Ministri i Jashtëm gjerman, Guido Westerwelle, deklaroi se tani ka ardhur koha e një politike të dialogut.

"Ky vendim do të thotë që pavarësia e Kosovës dhe integriteti territorial i saj më nuk mund të kontestohen. Deri tani kemi pasur një proces juridik, ndërsa tani e tutje e ka radhën politika dhe dialogu për përmirësimin  e gjendjes së njerëze dhe raporteve mes këtyre vendeve. Serbia dhe Kosova duhet ta dinë se e ardhmja e tyre është në Evropë", theksoi Westerwelle.

GJND-ja ka bërë publik dje mendimin këshilldhënës, sipas së cilit shpallja e pavarësisë së Kosovës nuk ishte në kundërshtim me të drejtën ndërkombëtare apo Rezolutën 1244 të KS të OKB-së. Kosova ka shpallur pavarësinë me 17 shkurt të vitit 2008, ndërsa pavarësinë e saj e kanë njohur deri tani 69 shtete.

Institucionet e Kosovës shpresojnë se pas kumtimit të mendimit të GJND-së do të përshpejtohet edhe procesi i njohjes së pavarësisë. Presidenti i Serbisë Boris Tadiq ka deklaruar se mendimi i Gjykatës ishte një grusht i rëndë për Serbinë, por Beogradi ka paralajmëruar se kurrë nuk do ta njohë Kosovën dhe se përpjekjet e tij diplomatike do t'i vazhdojë në OKB.

 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)