05 Tetor 2022

BE do ta riafirmojë përkushtimin e saj për Ballkanin Perëndimor

Bruksel, 2 qershor - Catherine Ashton, Përfaqësuesja e Lartë për Punë të Brendshme dhe Politikë të Sigurisë/Nënpresidente e Komisionit Evropian, dhe komisioneri për zgjerim, Štefan Füle, të mërkurën më 2 qershor do të marrin pjesë në samitin e nivelit të lartë të Bashkimit Evropian për Ballkanin Perëndimor në Sarajevë. Synimi kryesor i samitit – në të cilën do të marrin pjesë edhe ministrat e jashtëm të BE-së dhe ministrat e jashtëm të Ballkanit Perëndimor – është për të riafirmuar përkushtimin ndaj Ballkanit Perëndimor dhe perspektivës së tij evropiane.

Përfaqësuesja e Lartë/Nënpresidentja Catherine Ashton pohoi që para samitit të Sarajevës: “integrimi i Ballkanit Perëndimor në familjen e kombeve evropiane mbetet njëra prej sfidave tona të fundit për ndërtimin e një Evrope demokratike dhe të bashkuar. Në Sarajevë, BE-ja do të riafirmojë vendin e Ballkanit në Evropë dhe perspektivën evropiane për rajonin.”

Štefan Füle, komisioneri për zgjerim dhe politikë evropiane të fqinjësisë pohoi: “Konferenca ofroi një konfirmim në kohë të duhur për perspektivën e anëtarësimit në BE për Ballkanin Perëndimor dhe për vazhdimin e procesit të zgjerimit. E mirëpres përkushtimin e shprehur nga Ballkani Perëndimor për ta intensifikuar ritmin e reformave në fushat kyçe dhe për ta konsoliduar bashkëpunimin rajonal përfshirës dhe efikas. Komisioni do ta përkrahë Ballkanin Perëndimor në këto përpjekje. Zgjerimi bazohet në kushtëzime të larta por mbi të gjitha është një projekt politik. Jam i kënaqur që Konferenca e Sarajevës e theksoi këtë.”

Samiti i Sarajevës, i organizuar nga Presidenca Spanjolle me përkrahjen e BE-së, do të shënojë përvjetorin e 10-të të Samitit të Zagrebit më 25 nëntor 2000, ku BE-ja filloi Procesin e Stabilizim-Asociimit dhe perspektivën evropiane për Ballkanin Perëndimor. Ato u konfirmuan në Samitin e Thesalonskit në vitin 2003, ku  po ashtu u organizuan takime të rregullta të nivelit të lartë.


Në Sarajevë, BE-ja dhe vendet e rajonit, por edhe pjesëmarrës nga ShBA-ja, Rusia, Turqia, OSBE-ja, Këshilli i Evropës dhe NATO-ja pritet ta përshëndesin progresin e arritur gjatë dekadës së fundit që e nxori Ballkanin nga kohëra të shkatrrimeve të luftës në rrugën drejt prosperitetit. Sfidat ende mbesin: sundimi i ligjit, lufta kundër korrupsionit dhe krimit të organizuar, liria e mediave. Bashkëpunimi rajonal mbetet kyç, si dhe procesi i pajtimit dhe ballafaqimi me çështjet e pazgjidhura.
 

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)