27 Shtator 2021

Bashkëshortja e shqetësuar mbi gjendjen shëndetësore te Navalnit

 Moskë, 14 prill - Kritiku i Kremlinit që ndodhet në grevë urie, Alexei Navalny, ka vështirësi në të folur dhe ka humbur shumë peshë, tha bashkëshortja e tij përmes një postimi në rrjetet sociale, pasi e vizitoi atë në burg.

Navalny, 44 vjeç, kundërshtari kryesor i Presidentit rus Vladimir Putin njoftoi fillimin e grevës së urisë nga fundi i marsit, në shenjë proteste ndaj asaj që ai tha se ishte refuzim i autoriteteve të burgut për ta trajtuar atë si duhet për dhimbje akute të shpinës dhe këmbës.

Në një postim në Instagram, Yulia Nalvalnaya, shpjegoi gjendjen e tij pasi foli me të në telefon të ndarë nga një dritare xhami.

“Ai vazhdon të jetë i gëzuar dhe optimist si kurrë më parë. Flet me vështirësi dhe kohë pas kohe mbyll telefonin dhe mbështetet në tryezë për të pushuar. Ka humbur shumë peshë… peshon 76 kilogramë ndërkohë që është 190 centimetra i gjatë”, tha ajo.

Kjo nënkupton që pesha e Navalny ka rënë 16 kilogramë që nga muaji i kalur kur është dërguar në burgun që ndodhet 100 kilometra në lindje të Moskës.

“Nuk lejojnë që një mjek ta vizitojë… Unë kurrë nuk kam parë fytyrë më të dobësuar, por e di që ai nuk do të dorëzohet”, shtoi ajo.

Opozitari Navalny, i cili sipas perëndimit është burgosur padrejtësisht dhe duhet të lirohet, u kthye në Rusi në janar pas trajtimit në Gjermani për atë që mjekët thonë se ishte helmim me agjent nervor.

Ai u dënua në shkurt me dy vite e gjysmë burg për akuzat se ka shkelur rregullat e një dënimi me kusht, gjë që sipas zotit Navalny është process i motivuar politikisht. Rusia thotë se nuk ka prova se ai ishte helmuar.

Stafi në burgun rus tha se i kanë ofruar zotit Navalny trajtimin e duhur, por ai ka refuzuar shërbimin.

Në fillim të muajit Alexei Navalny është dërguar në një klinikë burgu pas ankesave për temperaturë të lartë dhe kollitje.

Shërbimi rus i burgjeve tha të martën se një grup mjekësh vlerësuan shëndetin e zotit Navalny si të kënaqshëm, prandaj më 9 prill ai u transferua nga klinika për në burgun kryesor, njofton agjencia e lajmeve RIA.

Kalendari

Ngjarjet e datës 27 Shtator 2021

- Kryeministri i Republikës së Kosovës, Albin Kurti pret me ceremoni shtetërore Kryeministrin e Republikës së Shqipërisë, Edi Rama, dhe anëtarë të kabinetit qeveritar të Shqipërisë. (Sheshi "Skënderbeu", ora 8:50 - Mediet të jenë të pranishme më së largu, ora 8:10)

- Me rastin e fillimit të vitit të ri shkollor 2021-22 kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave të sallës së edukatës fizike në shkollën "Dëshmorët e Kabashit" në Korishë. (Korishë, ora 9:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në zbulimin e emrit të ri të shkollës "Lekë Dukagjini" në "Gani Saramati". (Objekti i shkollës, ora 9:30)

- Kryeministri i Republikës së Kosovës, Albin Kurti dhe Kryeministri i Republikës së Shqipërisë, Edi Rama, mbajnë konferencë për media në ora 10:20 - Mediat e akredituara duhet të jenë më së largu në ora 10:00)

- Komisioni për Ekonomi, Industri, Ndërmarrësi dhe Tregti mban dëgjim publik lidhur me projektligjin për identifikimin elektronik dhe shërbimet e besuara në transaksionet elektronike. (Ndërtesa e Kuvendit, salla N506, ora 10:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në zbulimin e emrit të ri të shkollës "Abdyl Frashëri" në "Rexhep Hyseni". (Objekti i shkollës, ora 10:15)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave të sallës së edukatës fizike në shkollën "Dëshmorët e Zhurit" në Zhur. (Zhur, ora 11:15)

- Komisioni Qendror i Zgjedhjeve mban mbledhjen e radhës . (Ndërtesa e KQZ-së, ora 11:30) 

- Konstituohet Komisioni Ad hoc për përzgjedhjen e kandidatëve për anëtarë të Bordit të RTK-së. (Ndërtesa e Kuvendit, salla N10, ora 12:00)

- Kuvendi i Sociologjisë në kuadër të Departamentit të Sociologjisë në Universitetin e Prishtinës organizon promovimin e librit të Gëzim Selacit, "Legjitimiteti politik në Kosovë". (Biblioteka Kombëtare e Kosovës, ora 12:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave ndërtimit të shkollës së re “Zef Lush Marku” në Velezhë. (Velezhë, ora 12:00)

- Drejtoresha e Drejtorisë së Turizmit dhe Zhvillimit Ekonomik në Komunën e Prizrenit, Sevil Liman Kazaz do të bëjë prezantimin e raportit të punës 4 vjeçar të kësaj drejtorie. (Salla e mbledhjeve të Kuvendit Komunal, ora 14:00)