07 Tetor 2022

Arrestohen qindra protestues në Rusi

Moskë, 13 mars - Mbi 700 persona janë arrestuar nga policia në demonstratat që u zhvilluan sot në disa qytete në gjithë Rusinë për të protestuar kundër sulmit të paprovokuar ndaj Ukrainës, nga Presidenti Vladimir Putin.

Grupi i të drejtave të njeriut OVD-info, i cili monitoron arrestimet gjatë protestave, tha se deri në orën 18:30 sipas orës lokale, policia kishte ndaluar 745 persona gjatë demonstratave në 37 qytete ruse. Të paktën 353 prej tyre u arrestuan në Moskë, njoftoi OVD-info.

Një gazetar i agjensisë së lajmeve AFP që ishte i pranishëm gjatë një proteste në kryeqytetin Moskë pa të paktën dymbëdhjetë arrestime dhe tha se policia po largonte çdo person që nuk kishte kredenciale shtypi.

Një vajzë bërtiste "paqe në botë" ndërsa dy policë po e merrnin me vete, raportoi agjensia AFP.

Në qytetin e dytë më të madh rus, Shën Pjetërburg, gazetarët e AFP-së panë arrestime të shumta, ndër ta edhe një protestues që po e tërhiqnin zvarrë në rrugë.

Bulevardi qendror Nevsky u mbyll nga policia nëpërmjet dhjetëra furgonëve të policisë që kishin parkuar përgjatë rrugës.

Fundjavën e fundit, policia arrestoi mbi 5 mijë protestues në mbarë Rusinë.

Protestuesit mund të përballen me gjoba dhe dënime me burg.

Që kur Rusia filloi sulmin më 24 shkurt, mbi 14 mijë persona janë arrestuar në Rusi për shkak të pjesëmarrjes në protestat kundër luftës.

Kalendari

Ngjarjet e datës 7 tetor 2022 - Komisioni i posaçëm për shqyrtimin e kandidatëve për emërim në Gjykatën Kushtetuese shqyrton nominimet e kandidatëve për gjyqtar në Gjykatën Kushtetuese lidhur me përmbushjen e kushteve të parapara me Kushtetutë dhe Ligj. (Ndërtesa e Kuvendit, salla C301, ora 9:00)

- Ministria e Zhvillimit Rajonal dhe Caritas Zviceran në Kosovë lansojn thirrjen “Projektet Investuese të Diasporës” në kuadër të projektit “Veprimi i Komunave për Riintegrim dhe Diasporë – MARDI”. (Ndërtesën Qeverisë, salla P38, ora 9:30)

 - Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Kryetari i Komisionit për Punë të Jashtme dhe Diasporë, Haki Abazi mban konferencë për medie lidhur me qëndrimet dhe vlerësimet për proceset e rëndësishme nëpër të cilat po kalon vendi. (Holli i Kuvendit të Kosovë, ora 10:00)

- Rrjeti i Grave të Kosovës dhe Fondi i Kombeve të Bashkuara për Popullsinë publikojnë përmbledhjen e politikave 'Dispozitat për koston e lejes së lindjes, atësisë dhe pushimit prindëror në Ligjin e Punës', të shkruar nga Dita Dobranja në emër të RrGK-së. (Hotel Sirus, ora 10:00)

- OJQ Aktiv organizon prezantimin e “Udhëzuesin për verifikimin bazë të informacionit mediatic” i cili është i dedikuar kryesisht për komunitetin serb të Kosovës. (Qendra e Energjisë Qytetare në Mitovicën e Veriut, ora 11:00)

- Sekretari Gjeneral i FIBA Andreas Zagklis takohet me Ministrin e Kulturës, Rinisë dhe Sportit të Kosovës, Hajrulla Çeku. (Ndërtesa e Ministrisë së Kulturës, ora 11:00)