05 Tetor 2022

Aplikim për vizë të SHBA-së rritet në 140 dollarë

Prishtinë, 28 maj - Ambasata e Shteteve të Bashkuara të Amerikës (SHBA) ka bërë të ditur se duke filluar nga 4 qershori, pagesa për aplikim për shumë viza të SHBA-ve do të rritet në 140 dollarë të SHBA-ve.

Pagesat për viza joimigruese të SHBA-ve, duke përfshirë edhe vizat turistike B1/B2, dhe vizat për vizitorë biznesorë, si dhe të gjitha vizave studentore dhe atyre për shkëmbim të vizitorëve (F, M, dhe J), do të jenë 140 dollarë.

Aplikantët për viza të bazuara në kërkesa nga ndonjë subjekt nga SHBA-të, si punëtorët e përkohshëm, interpretuesit, punëtorët fetarë, do të paguajnë një shumë më të lartë për aplikim.

Aplikuesit që tashmë kanë bërë pagesën prej 131 dollarëve por të cilët nuk e kanë të caktuar intervistën deri me 4 qershor, 2010, apo më vonë, do ta paguajnë diferencën në Ambasadën e SHBA-ve në Shkup (qoftë në dollarë të SHBA-ve apo në denarë maqedonas; Eurot nuk pranohen); ata NUK duhet të paguajnë diferencën në bankë.

Departamenti i Shtetit i SHBA-ve po i rritë pagesat që të sigurojë të ardhura të mjaftueshme për të mbuluar rritjen e shpenzimeve të procesimit të vizave joimigruese.

Struktura e re e shkallëzuar e pagesave është krijuar për të mbuluar shpenzimet e rritura për procesimin e kategorive të caktuara të vizave joimigruese të cilat janë më të ndërlikuara, dhe kërkojnë shqyrtim më të thellë se sa shumica e kategorive të tjera të vizave joimigruese.

Për shkak të një numri arsyesh, duke përfshirë edhe përmirësimet e sigurisë, pagesa paraprake, e përcaktuar me 1 janar 2008, më nuk i mbulon shpenzimet aktuale për procesimin e vizave joimigruese.
 

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)