25 Shkurt 2020

Wood: Kosova, më e mira në rajon

Prishtinë, 26 janar - Kosova ka bërë shumë punë dhe ajo duhet të tregojë se mund të zhvillohet ekonomikisht, pasi ka kapacitete dhe resurse për ta bërë një gjë të tillë. Një veçori e Kosovës lidhet me natyrën dhe bukuritë që janë të shumta.

Kështu ka deklaruar në një intervistë për gazetën “Epoka e re” drejtori i Programit për Ndërmarrje Private në Kosovë i USAID-it, Mark Wood. Ai ka vlerësuar se të gjitha punët që janë bërë në këto vitet e fundit në Kosovë, duke veçuar ofertat turistike, kanë bërë që disa mediume më të fuqishme në botën perëndimore ta sugjerojnë Kosovën si vend, i cili duhet të vizitohet në vitin 2011, pasi të gjithë vizitorët do të kenë çfarë të shohin.

Drejtori Wood ka bërë me dije se së bashku me organizatat dhe institucionet që veprojnë në Kosovë kanë marrë pjesë në disa evenimente të ndryshme që janë organizuar si në vend ashtu edhe jashtë tij. Ai ka treguar se tani për tani ky program po ndihmon Kosovën në disa fusha që janë vitale për zhvillimin ekonomik të Kosovës.

“Kosova po ecën shpejt drejt certifikimit të burimit të lëndës drusore. Është qenësore që dizajni i mobileve dhe prodhimi çdoherë e më shumë t’u shërbejnë tregjeve të dalluara në vend, rajon dhe botë. Industria kërkon mbështetje të vazhdueshme në dizajn dhe depërtim në tregje, si dhe ngritjen e aplikimit të normave të prodhimit, që do t’i sjellë produktet e tyre në tregje më të mëdha. Vetëm në këtë mënyrë ky sektor mund të zhvillohet dhe të ofrojë vende pune”, ka deklaruar ai, duke premtuar se USAID-i do t’i ndihmojë kompanitë anëtare të saj që të marrin pjesë në panaire ndërkombëtare, si një metodë e mirë për promovimin e produkteve të tyre dhe për krijimin e mundësive të eksportit.

Sipas tij, USAID-i vitin e kaluar ka ofruar trajnim për programet e praktikës për studentët e universitetit dhe kjo ka rezultuar në punësimin profesional të 75 të rinjve.

“USAID-i e konsideron zhvillimin e fuqisë punëtore si strategji kryesore në përmirësimin e pozitës konkurruese të kompanive dhe sektorëve të Kosovës. Pasi e gjithë ekonomia e Kosovës po lëviz drejt shekullit 21, konkurrenca në treg, zhvillimi i shkathtësive për pjesëmarrësit aktualë dhe të ardhshëm të fuqisë punëtore dhe qasja e studentëve dhe e të papunëve në vende pune e profesione të reja, do të jetë kërkesë thelbësore. Për t’iu ofruar studentëve, të papunëve dhe të punësuarve aktualë shkathtësitë të cilat i përshtaten më mirë biznesit”, ka bërë me dije ai.

Sa i përket turizmit dhe mundësisë, ai është shprehur se Kosova ka shumë mundësi për të përfituar nga ky sektor, por duhet bërë më shumë që vendi ta prezantojë veten në arenën ndërkombëtare.

Programi të cilin ai e udhëheq deri më tani ka ndihmuar në këtë fushë. “Në vitin e kaluar për herë të dytë kemi organizuar panairin ‘Dita e Turizmit në Kosovë’ së bashku me Asociacionin për Turizëm të Kosovës (KOTAS).

Panairi ‘Dita e Turizmit në Kosovë’ me moton ‘Qëndroni për fundjavë’ ka pasur si synim ta nxisë komunitetin ndërkombëtar në Kosovë që të qëndrojë për fundjavë dhe të përjetojë Kosovën”, është shprehur Wood.

Ai ka treguar edhe për shtojcën speciale të revistës “National Geographic”, e titulluar “Ballkani Perëndimor - Toka për t’u zbuluar”, e cila ka një tirazh prej qindra mijëra kopjeve dhe e cila shpërndahet në shumë vende perëndimore.

“Kjo revistë thekson destinacionet dhe atraksionet më të mira turistike të gjashtë vendeve të Ballkanit Perëndimor, përfshirë edhe Kosovën, dhe premton që vizitorët nuk ka se si të mos mrekullohen me pasuritë kulturore dhe ndërthurjen plot jetë të popujve, historisë dhe natyrës në këtë kryqëzim të Evropës”, ka theksuar ai, duke shtuar se USAID-i po i ndihmon vendit më të ri në Evropë të fillojë të njihet si destinacion turistik.

“Me peizazhin e saj të mrekullueshëm, me male që krahasohen me alpet, me hotele të drejtuara nga familje që ofrojnë kuzhinë tradicionale, Kosova është një vend mahnitës për t’u vizituar. Nisma e ‘National Geographic’ do ta sjellë Kosovën në vëmendje të atyre që planifikojnë të udhëtojnë në Ballkanin Perëndimor”, ka thënë ai.

Wood ka bërë me dije se Programi për Ndërmarrje Private në Kosovë i USAID-it është një nismë katërvjeçare e filluar në tetor të vitit 2008 dhe ka për synim stimulimin e aftësisë konkurruese të sektorit privat të ekonomisë së Kosovës.

Programi ofron asistencë teknike në sektorët e caktuar nëpërmjet grandeve dhe konsulencës, mbështet përpjekjet e bizneseve për reformimin e ambientit afarist, zgjeron zhvillimin e fuqisë punëtore dhe të trajnimeve, si dhe fuqizon shërbimet e bizneseve dhe shoqatave.

Gazeta EPOKA E RE

Kalendari

Ngjarjet e datës 25 shkurt 2020 - Ministri i MPBAP-së, Agim Veliu do ta vizitojë Policinë i cili do të pritet nga drejtori i Përgjithshëm i PK-së, Rashit Qalaj. (Drejtoria e Përgjithshëm, ora 10:00)

- Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00)

- Ministri i MPBAP-së, Agim Veliu do ta vizitojë Kampinë e policisë “Vrella“ Sllatinë. (Kampi Vrella në Sllatinë, ora 10:45)

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Kryeministri Albin Kurti pret në takim delegatin Apostolik të Vatikanit për Kosovë, Jean Marie Speich. (Ndërtesa e Qeverisë, ora 12:30 - vetëm pamje)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)

- Kryeministri Albin Kurti pret në takim delegacionin e Fondit Monetar Ndërkombëtar. (Ndërtesa e Qeverisë, ora 15:00  - vetëm pamje)

- Ipeshkvia e Prizrenit organizon meshën e shenjtë kushtuar e Imzot Nikë Prelës në 24 vjetorin e kalimit në amshim. (Katedralja “Nëna Terezë”, nga ora 16:00)

- Ministrja e Arsimit, Shkencës, Teknologjisë dhe Inovacionit, Hykmete Bajrami, së bashku me kryetarin e Komunës së Kamenicës, Qëndron Kastrati, do të mbajnë konferencë të përbashkët për media, lidhur me çështjen e riorganizimit të procesit mësimor në komunën e Kamenicës.  (MAShTI, ora 16:00

- Fondacioni Shtatëmbëdhjetë organizon hapjen e ekspozitës Infrared: Additions. (Rr. Henrik Bariq, nr 5,  Shtatëmbëdhjetë, Prishtinë, ora 18:00)