28 Mars 2024

Velipojë, priten 80 mijë turistë

Velipojë, 13 qershor - I vendosur në bregdetin e Adriatikut, vetëm pak kilometra larg Shkodrës, në kufi të afert me Ulqinin në Malin e Zi, me të cilin vetëm ujrat e lumit Buna e ndajnë në mes, ky plazh prej vitesh është bërë nder me të frekuentuarit e Shqipërisë.

 

Një vijë bregdetare që nga rrjedhja e Bunes e deri tek Rana e Hedhun, pika kufizuese me Shengjinin, ka shtrirje sipërfaqësore prej 14 kilometra, ku vetëm 6 km shfrytezohet, ndërkohë që pjesa tjetër vazhdon të mbetet akoma e virgjer.

Vlerat që mbart në vetvete me ujin dhe reren e paster, por edhe me ajrin e paster, falë pyjeve me pisha që e rrethojne, e bëjnë shumë të frekuentuar plazhin e Velipojës. Pjese e territorit te plazhit jane dhe Laguna e Vilunit, Rezervati i Gjuetise me shumëllojshmërinë e shpendëve, lumi i lundrueshem Buna, i vetmi i këtij lloji në vendin tonë.

E krahas këtyre, një motiv me tepër për të pushuar në këtë plazh është rëra krejt e vecantë nga të gjitha plazhet e tjera të vendit dhe rajonit perrreth, e cila fale shfrytëzimit ende të paket është mbushur me jod, shumë kurative për semundje të ndryshme.

Në sezonin e kaluar numri i pushueve në plazhin e Velipojës arriti deri në 60 mijë, mes të cilëve jo vetëm shqiptare, por edhe nga shtetet fqinjë e disa vende të ndryshme europiane. Por sivjet për sezonin e ri turistik 2010 pritet të shkojë deri në 80 mijë", thotë kryetari i komunes së Velipojës, Marku. Sipas tij, dyndja me e madhe ndaj bregdetit të Velipojës konstatohet në ditët e fundjavës.

Investime dhe ndryshime në Velipojë

Kryekomunari shprehet entuziast per sezonin e ardhshem turistik qe pritet te jete shume me lart ne gjithe treguesit, pasi vec angazhimi total te strukturave te komunes per nje sherbim cilesor gjate periudhes se sezonit turistik, Marku ndalet tek investimet e qeverise shqiptare.

"Fale tyre Velipoja kete sezon do te jete krejt ndryshe nga vitet e tjera, duke i garantuar pushuesve sherbim komod ne te gjithe aspektet", thote ai.

Rrefimin i kryekomunarit Nikoll Marku e nis nga shetitorja e plazhit, ose sic quhet, qendra e plazhit, vendi i parë ku perballen pushuesit dhe vizitoret vendas dhe te huaj deri ne Velipoje.

"Janë plot 90 milion lekë të akorduara nga qeveria shqiptare që do të bejnë te mundur perfundimin e projektit per ndertimin e shetitores. Eshte nje siperfaqe prej 5 ha toke, qe do te shnderrohet ne mjedis shlodhes per pushuesit, me trotuare, gjelberim, ndricim, lokale sherbimi, kende lojrash per femije dhe mjedise te tjera te rezervuara per nje sherbim sa me te kulturuar", thote ai.

Pjese e ketij territori eshte edhe nje qender informative turistike, qe me nje sherbim punonjesish te specializuar te fushes se turizmit, do te jete ne dispozicion te te gjithe te interesuarve per informacion sa me te shumellojshem, sidosmos per ata qe vijne per here te pare ne Velipoje per te pushuar.

Higjiena dhe pastrimi, pajisje dhe mjete moderne

Higjena dhe pastertia qe do te mbizoteroje ne mjediset e plazhit te Velipojes, ky eshte kujdesi i vecante nga strukturat e komunes ne pergatitjet per sezonin e ri turistik, qe do te hapet ne 15 qershor.

Kryetari i komunes Nikoll Marku tregon se per kete sezon turistik jane marre masat e nevojshme per te vene ne dispozicion pajisje dhe mjete moderne per pastrimin e territorit te plazhit, reres prane detit, godinave, shtepive, vilave dhe pallateve te shumta, qe shtrihen pergjate bregut te detit.

"Jane vene ne dispozicion 120 milion leke nga te ardhurat e komunes nga sezoni i meparshem, me te cilat do te blejme 2 makina teknologjike me kontinier ne dispozicion te pastrimit te plazhit, 100 kazane dhe kosha per hedhjen e mbeturinave ne vendet perkatese", thote Marku. Per kete sektor do te angazhohen 45 punonjes, qe do te punojne deri ne mbyllje te sezonit, ne 15 tetor.
- Pika vrojtimi dhe motore uji shpetues-

Ne ndryshim nga sezoni i kaluar, kete vere do te jene ne funksion 10 pika vrojtuese ne vende te ndryshne te bregut te reres, rreth 500 metra larg njera tjetres me qellim, orientimin dhe informimin sa me te sakte te pushuesve per terrenin ku do te pushojne, sidomos per turistet e huaj. Per t'i ardhur ne ndihme pushuesve, gjate brezit te ujit ne plazh do te patrullojne non-stop 4 motore uji te pajisur me radio marrese e dhenese ne komunikim te vazhdueshem me pikat e vrojtimit per cdo rast te jashtezakonshme.

Ne sherbim te pushuesve do te jene 2 qendra shendetesore ne te dy krahet e territorit te plazhit, lindje dhe perendim, dy autoambulanca, mjeke dhe infermiere ne sherbim 24 oresh. Rajoni Policor ne Velipoje me efektiv te zgjeruar do te siguroje qetesine publike brenda territorit te plazhit, ndersa efektivet rrugore do te kene nen kujdesje te gjitha akset rrugore qe lidhin plazhin me Shkodren dhe akset e tjera nacionale.

Infrastruktura, gjithnje e ne permiresim

Fale investimeve madhore qe ka bere qeveria, infrastruktura rrugore qe te con drejt plazhit te Velipojes cdo dite e me teper po behet me komode per automjetet. Krahas akseve rrugore nacionale Tirane-Shkoder dhe superstrades Morine-Milot, ne gjendje mjaft te mire eshte dhe aksi rrugor Shkoder-Velipoje, per te vijuar edhe me rruget e tjera dytesore brenda territorit te plazhit.

Per t'i ardhur ne ndihme pushuesve, komuna e Velipojes me vendim te keshillit ka vendosur qe nga qendra e komunes dhe deri ne zonen e plazhit te ndertohet nje rruge dytesore vetem per kembesore. Vemendje eshte treguar dhe per kanalizimet e ujrave te bardha dhe te zeza, ku me fondin 9 milion euro, financuar nga Komuniteti Europian po nderhyhet ne sistemimin e tyre. Me ndertimin vitin e kaluar te stacionit te ri te pompave, furnizimi i zones se plazhit me uje te pijshem eshte krejtesisht i garantuar, ashtu si dhe furnizimi i plote pa nderprerje me energji elektrike.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)