19 Shkurt 2020

Turqia, vendi më i preferuar për pushime

Stamboll, 27 janar - Sipas indeksit të pushimeve “Vox” Turqia është renditur e para në listë si vendi më i preferuar në botë për të kaluar pushimet me 17,3%, e pasuar nga Anglia në vend të dytë me 11,7% dhe Meksika në vend të tretë me 10,6%.

Indeksi Vox Vacation Index është përgatitur duke marrë në konsideratë kursin valutor dhe nivelin e inflacionit të vendeve përkatëse.

Vendet më të lira, ku mund të kaloni pushimet, janë renditur kështu: Turqia, Anglia, Meksika, Kina dhe Kosta-Rika.

Kurse Rusia, me -28,4% ndodhet në fund të listës me 48 vende dhe që është përgatitur duke marrë në konsideratë edhe njësitë e monedhave kombëtare të zhvlerësuara përballë valutave të huaja për shkak të rritjes së inflacionin në vend.

Në vend të 44-ët të listës qëndron Kolumbia me -17,6%, në vend të 45-të Argjentina me -18%, në vend të 46-të është Afrika e Jugut me -24,6% dhe në vend të 47-të Brazili me -26,9%.

Në listën e vendeve më të përshtatshme për pushime kanë hyrë edhe India, e cila ndodhet në vend të 29-të, Tajlanda në vendin e 32-të dhe Koreja e Jugut në vend të 35-të.

Kalendari

Ngjarjet e datës 19 shkurt 2020

- Shoqata e Kirurgëve Plastik, Rekonstruktiv dhe Estetik të Kosovës, ka organizuar për herë të parë Simpoziumin dhe Workshop-in mbi trajtimin e plagëve. (Hotel Emerald, ora 8:00)

- Klubi i Prodhuesve të Kosovës për të dytën herë me radhë po organizon Konventën e Prodhuesve të Kosovës. (Hotel Emerald, ora 9:00)

- Ministri në Detyrë për Evropën dhe Punët e Jashtme i Republikës së Shqipërisë, Gent Cakaj, vjen për vizitë zyrtare në Prishtinë, ku do të pritet nga homologu i tij, Ministri i Punëve të Jashtme dhe Diasporës i Republikës së Kosovës, Glauk Konjufca. (Ndërtesa e MPJ-së, ora 10:00)

- Instituti Demokratik i Kosovës organizon tryezën ku do të publikohet raporti “Rruga e Dukagjinit, Autostradë apo Zgjerim i Rrugës Ekzistuese”, të përgatitur nga KDI. (Hotel Sirius, ora 10:00)

- Mbahet mbledhja e rregullt e Komitetit për Politikë dhe Financa e Komunës së Mitrovicës. (Objekti i Kuvendit Komunal të Mitrovicës, ora 10:00)

- Biblioteka Kombëtare e Kosovës “Pjetër Bogdani” organizon hapjen e ekspozitës “Kujtesa e Kosovës: Jeta nën qiell e najlon”, pamjet e jetës së shqiptarëve të Kosovës në vitin 1999. (Holli i Bibliotekës, ora 11:00)

- Kryetarja e Kuvendit të Kosovës, dr. Vjosa Osmani, takohet me ministrin në detyrë për Evropën dhe Punët e Jashtme të Republikës së Shqipërisë, Gent Cakaj, me bashkëpunëtorë. (Kabineti i kryetares së Kuvendit, ora 12:00 - vetëm pamje)

- Nisma e të Rinjve për të Drejtat e Njeriut organizon një protestë para zyrës së avokatit Tomë Gashi, për të kundërshtuar sjelljen e tij abuzive që bëri ditë më parë ndaj një lypësari në shesh të Prishtinës. (Para Zyrës së Avokaturës, afër Kino ABC, ora 12:00)

- Agjencia Kosovare e Privatizimit do të mbajë ceremoninë e hapjes së ofertave të shitjeve përmes likuidimit nr.54. (Hotel Grand, ora 12:30)

- Kinema “Jusuf Gërvalla”, në Pejë shfaq filmin "Gjumë dhe Dashuri". (Kinema në Pejë, ora 19:00)