16 Shtator 2019

Turizmi turk, niveli i shfrytëzimit të hoteleve arrin në 100 për qind

Ankara, 6 korrik - Operatorët turistikë turq janë shprehur plot shpresë nga ky sezon veror duke theksuar se për Turqinë ka nisur tashmë periudha më e ngjeshur e pushimeve dhe se niveli i shfrytëzimit të hoteleve ka arritur në 100%.

Krahas kërkesave në rritje të vrullshme me rezervime të hershme të turistëve të huaj, të cilët duan t’i kalojnë pushimet në Turqi, përfundimi i zgjedhjeve të 24 qershorit dhe i provimit qendror të universitetit ka gjallëruar po ashtu turizmin e brendshëm duke e bërë këtë sezon veror mjaft të begatë.

Presidenti i Federatës së Hotelierëve të Turqisë (TUROFED), Osman Ayik dhe zëdhënësi i Platformës së Operatorëve Turistikë, Cem Polatoglu, vlerësuan për gazetarët të priturat e sektorit nga sezoni veror 2018.

Osman Ayik rikujtoi se Turqia është vizituar nga 11,5 milionë turistë në 5 muajt e parë të këtij viti dhe theksoi se këto shifra janë shumë të mira dhe shpresëdhënëse.

Sipas tij, sezoni i pushimeve ka filluar siç pritej, me një dinamikë dhe trafik mjaft të ngjeshur.

“Aktualisht kemi një gjallërim të fuqishëm në të gjitha zonat turistike, megjithatë ajo më dinamikja mbetet Antalia. Pas saj vjen menjëherë Stambolli. Falë edhe gjallërimit të tregut të brendshëm, një dinamikë serioze po vërejmë gjithashtu në zonat e Egjeut Perëndimor dhe Jugor. Me përfundimin e zgjedhjeve të 24 qershorit dhe provimit qendror të universitetit, për Turqinë ka nisur tashmë periudha më e ngjeshur e pushimeve”, deklaroi Ayik.

Kreu i Federatës së Hotelierëve të Turqisë vuri në pah edhe se numri i turistëve në Antalia këtë vit do të jetë shumë afër 14 milionëve.

Kalendari

Ngjarjet e datës 16 shtator 2019

- Fillon edicioni i dytë i konferencës më të madhe për zhvillimin e qëndrueshëm në rajon më temë 'Mbrojtja e mjedisit: kërkim për qeverisje të mirë dhe thirrje për bashkëpunim rajonal'. (Hotel Emerald, ora 9:30)

- Kryetari i Komunës së Prizrenit, Mytaher Haskuka, do të marr pjesë në përurimin ei analizave të reja laboratorike në QMF-në në Reçane, ku i pranishëm do të jetë edhe drejtori i Drejtorisë së Shëndetësisë, Visar Shehu.(Reçane, ora 9:30)

- Nën moton “Pjesëmarrja“, për të 11-in vit me radhë, Kuvendi i Republikës së Kosovës shënon Ditën Ndërkombëtare të Demokracisë ku qytetarë, studentë dhe nxënës do të vizitojnë ndërtesën e legjislativit të vendit dhe do të njihen me punën e përfaqësuesve të tyre të zgjedhur. (Ndërtesa e Kuvendit, ora 9:30)

- Komuna e Prizrenit bën hapja e Javës 'Shtigjeve të Lirisë' ku do të ketë fjalë rasti edhe nga kryetari i Komunës, Mytaher Haskuka. (Prizren, ora 10:30)

- Në kuadër të Ditës Ndërkombëtare të Demokracisë bëhet hapja e panairit të organizatave të shoqërisë civile. (Oborri i Kuvendit, ora 10:50)

- Ministri i Kulturës, Rinisë dhe Sportit, Kujtim Gashi takon Kryetarin e Komunës, Agim Aliu, me të cilin edhe do të nënshkruajë një memorandum bashkëpunimi për 'Ndërtimin e Qendrës Multifunksionale'. (Komuna e Ferizajit, ora 11:00)

- Partia Demokratike dega në Prizren, do të mbajë një koferencë për media. (Zyrët e PDK-së në Prizren, ora 11:00)

- Në kuadër të Ditës Ndërkombëtare të Demokracisë mbahet kuizi i demokracisë. (Holli i Kuvendit, ora 11:30)

- Lëvizja FOL organizon diskutimin e parë në kuadër të Forumit FOL Hapur me kandidatët për Kryeministër/e të Kosovës. E ftuara e parë do të jetë znj. Vjosa Osmani, Kandidate për Kryeministre nga Lidhja Demokratike e Kosovës. (Zyrat e Lëvizjes FOL, ora 12:00)

- Kryetari i Komunës së Prizrenit, Mytaher Haskuka, do të marr pjesë në aktivitetin në Nashec tek lapidari i komandantit Remzi Ademaj. (Nashec, ora 12:00)

- Ministri i Mjedisit dhe Planifikimit Hapësinor, Fatmir Matoshi, do të pres në takim Ministrin e Ministrisë së Mjedisit Jetësor dhe Planifikimit Hapësinor nga Republika e Maqedonisë së Veriut, Naser Nuredini, me të cilin do të bisedojnë rreth bashkëpunimit mes dy shteteve në fushat përkatëse. (Kabineti i Ministrit Matoshi, ora 12:30)

- Në kuadër të Ditës Ndërkombëtare të Demokracisë mbahet debat publik “Transparenca dhe pjesëmarrja qytetare në Kuvend”. (Ndërtesa e Kuvendit, salla 405, ora 13:30)

- Kryetari i Lëvizjes Vetëvendosje! Albin Kurti viziton fabrikën "Jatex". (Gjakovë, 14:00)

- Komisioni Qendror i Zgjedhjeve mbanë mbledhjen e radhës. (Objekti i KQZ-së, ora 14:30)

- Kryetari i Lëvizjes Vetëvendosje! Albin Kurti viziton disa bujq. (Gjakovë, 15:00)

- Kandidatja e LDK-së për Kryeministre, Dr. Vjosa Osmani, takohet me strukturat dhe qytetarët e Istogut. (Qendra e qytetit te Istogut, ora 16:00)

- Mbahet ceremonia e varrimit të veprimtarit të shquar romë, Nexhip Menekshe. (Varrezat e Prizrenit, ora 16:00)

- Kryetari i Lëvizjes Vetëvendosje! Albin Kurti viziton Shoqatën e Zejtarëve. (Gjakovë, 16:20)

- Mbahet ceremonia solemne e hapjes zyrtare të zyrës së re qëndore të Bankës Raiffeisen. (Zyra e re ndodhet në rrugën Robert Doll, ora 17:30)

- Kryetari i Lëvizjes Vetëvendosje! Albin Kurti takohet me Tomor Morinën. (Gjakovë, 17:40)

- Kandidatja e LDK-së për Kryeministre, Dr. Vjosa Osmani viziton vendlindjen e Presidentit Historik Dr. Ibrahim Rugova, në Cerrcë dhe takohet me strukturat dhe banorët e fshatit.. (Fshati Cerrcë, ora 18:00)