12 Gusht 2020

Turizmi po kthehet në plagë për metropolet europiane

Romë 15 gusht - Dyndja e turistëve po i shqetëson qytetarët në metropolet si Roma, Amsterdami e Barcelona. Bashkitë e këtyre qyteteve po marrin masa për një turizëm të kontrolluar.

Nëse guxoni të uleni në shkallët e Piazza die Spagna, Scalinata di Trinità dei Monti në Romë bëni gati gjobën: plot 400 Euro.

Këshilli bashkiak i Romës së fundi ka vendosur ndalimin e uljes aty dhe policia bashkiake vazhdimisht kryen kontrolle e vendos gjoba, nëse rregullorja nuk respektohet.

Arsyeja është, se turistët lenë gjurmë ndotjeje si: çamçakëz, njolla kafeje, vere dhe akulloreje, nga ana tjetër duke u ulur nëpër shkallë ata mbulojnë panoramën e kësaj vepre mjeshtërore të arkitekturës.

Roma me 7 milionë prenotime në natë është ndër qytetet më të vizituara të Europës.

Në Itali tashmë po vendosen masa konkrete për një turizëm të kontrolluar. Nuk është vetëm Roma që ka vendosur rregulla, edhe në Venecia këtëj e tutje tragetet e mëdha me turistë nuk do të lejohen më të ankorojnë, po ashtu Venecia ka vendosur edhe një taksë për turistët. Qyteti romantik me vetëm 260.000 banorë pret çdo vit rreth 30 milionë turistë.

Barcelona gjithashtu ka reguar duke ndaluar ndërtimin e hoteleve të reja në qytete për të frenuar turizmin masiv. 1.6 milionë banorët e Barcelonës krahas tollovisë, zhurmës e dyndjes së turistëve po ndjejnë edhe pasojat e rritjes së qirave në qytet si rrjedhojë e turizmit.

Ngjashëm vuan prej dyndjes së turistëve edhe Dubrovniku e shumë hot spote të tjera turistike në pjesën jugore të Europës.

Por po aq problematik po bëhet turizmi masiv edhe në qytetet e Europës veriore e perëndimore si p.sh.

Amsterdami me vetëm 820.000 banorë pret çdo vit rreth 19 milionë turistë. Qytetarët nuk durojnë dot më dhe bashkia ka vendosur që në qendër të qytetit të mos hapen më hotele dhe dyqane të reja suveniresh.

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)