24 Shtator 2020

Spanja, destinimi më i dëshiruar për vitin 2010

Madrid, 11 mars - Spanja është destinimi më i dëshiruar i evropianëve për këtë vit. Këto janë rezultatet nga hulumtimi i Komisionit Evropian (KE) i zbatuar mbi 30 mijë qytetarë të 27 vendeve evropiane – anëtare të Bashkimit Evropian (BE).

Në hulumtimin “Raporti i Evropianëve ndaj turizmit në vitin 2010”, thuhet se 80 për qind e evropianëve planifikojnë të udhëtojnë sivjet, përderisa 20 për qind kanë deklaruar se nuk mendojnë fare për të shkuar në pushim.

Sipas hulumtimit të KE-së ekziston rritje e kërkesës së destinimeve tradicionale turistike, duke përfshirë edhe Spanjën me afërsisht 57 për qind. Nga ana tjetër, 28 për qind e qytetarëve të BE-së i rekomandojnë destinimet e panjohura.

Spanja është zgjedhur si një ndër vendet më të dëshiruara për pushim tashmë për të tretin vit me radhë. Më pas vijojnë Franca dhe Italia.

Dhjetë për qind e evropianëve pranojnë se kanë vështirësi serioze financiare të cilat ndikojnë në atë nëse do të shkojnë në pushim veror.

Kalendari

Ngjarjet e datës 24 Shtator 2020

- Ministrja e Kulturës, Rinisë dhe Sportit, Vlora Dumoshi viziton Komunën e Ferizajt. (Objekti i Komunës Ferizaj, ora 9:30)

- Në kuadër të Javës së sporti, Federata e Pingpongut në bashkëpunim me Departamentin e sportit të MKRS do të organizoj një aktivitet promovues për pingpongun në Pejë. (Sheshi Dukagjini në Pejë, ora 10:00)

 - Ministrja e Kulturës, Rinisë dhe Sportit, Vlora Dumoshi viziton Mural Fest. (Muralet e qytetit në Ferizaj, ora 10:00)

- Komuna e Prizrenit fillon projektin e Drejtorisë së Shëndetësisë për Kujdesin Geriatrik me ç'rast kryetari i Komunës së Prizrenit, Mytaher Haskuka, nënkryetari i Komunës së Prizrenit, Visar Shehu dhe drejtoresha e Drejtorisë së Shëndetësisë, Narqize Arënliu Hoxhaj do të prononcohen për media. (Nisja do të bëhet nga objekti i Qendrës Kryesore të Mjekësisë Familjare, ora 10:00)

- Mbledhja e komisionit për Shëndetësi dhe Mirëqenie Sociale në të cilën do të shqyrtohet plani i punës së Komisionit për sesionin vjeshtor 2020. (Ndërtesa e Kuvendit, salla N10, ora 10:30)

 - Ministrja e Kulturës, Rinisë dhe Sportit, Vlora Dumoshi merr pjesë në ndarjen e certifikatave për të rinj të trajnuar për ndërmarrësi. (Qendra e Inovacionit në Ferizaj, ora 11:00)

- Kryeministri Avdullah Hoti do të mbajë konferencë për media. (Ndërtesa e Qeverisë, ora  11:00)

- Zëvendësguvernatori për Mbikëqyrje Financiare, Sokol Havolli dhe Kryetari i Autoritetit Kosovar të Konkurrencës, Valon Prestreshi mbajnë konferencën për media. (Auditoriumi i BQK-së, ora 11:30)

-  Mbahet mbledhja e komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të shqyrtohet Projektligji për mbrojtje nga dhuna në familje. (Ndërtesa e Kuvendit, salla N302, ora 13:00)
 
 - Ministrja e Kulturës, Rinisë dhe Sportit, Vlora Dumoshi merr pjesë në aktivitet me misionin e OSBE-së. (Muzeu i Kosovës, ora 14:00)