03 Shkurt 2023

Shqipëria po planifikon të rijetësojë vendbazimet ushtarake për turistët

Tiranë, 16 janar - Shqipëria po planifikon të rijetësojë vendbazimet ushtarake në të gjithë territorin e Shqipërisë duke i hapur ato për turistët, tha ministrja shqiptare e Mbrojtjes, Olta Xhaçka.

Në një përpjekje për të tërhequr më shumë turistë dhe për ta bërë më të larmishëm potencialin turistik që ofron Shqipëria, Xhaçka tha se autoritetet e vendit po planifikojnë të hapin më shumë vendbazime ushtarake, disa prej të cilave kanë qenë baza ushtarake sekrete.

Në prill 2017, qeveria shqiptare vendosi ta kthente ishullin jugor të Sazanit në një destinacion turistik gjatë sezonit veror.

Ishulli i Sazanit, një zonë ushtarake e pa banuar, është ishulli më i madh në Shqipëri me një sipërfaqe prej 5.7 km katrorë.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)