22 Tetor 2020

Shqipëria mbyll sezon turistik duke “u shpëtuar” vetëm nga vizitorët nga Kosova

Tiranë, 17 shtator - Shqipëria arriti të mbyll edhe këtë sezon turistik veror duke “u shpëtuar” vetëm nga vizitorët nga Kosova dhe Maqedonia, gjithashtu edhe nga qytetarët shqiptarë të cilët nuk kanë mundur të lëvizin jashtë vendit për shkak të kufizimeve.

Përtej kësaj, të ardhurat e industrisë së turizmit, duke u krahasuar me një vit më parë, janë përgjysmuar.

Sakaq, 90% e agjencive turistike dhe 20% e hoteleve kanë pezulluar aktivitetin e tyre pasi për ta ka qenë e pamundur që të vijojnë të jenë të hapur e të shërbejnë qytetarëve dhe janë me shpresë që do të rihapen sërish vitin e ardhshëm.

Lidhur me shpenzimet në vendin tonë gjatë kësaj periudhe, të dhënat zyrtare tregojnë se të huajt kanë shpenzuar vetëm 63 milionë euro në vendin tonë gjatë periudhës prill-qershor, ndërsa një vit më parë ata kanë shpenzuar një vlerë prej 506 milion eurosh.

Sakaq, sipas bizneseve të sektorit turistik fluksi më i lartë i turistëve ka qenë në muajin gusht dhe korrik dhe rënia e shpenzimeve të turistëve të huaj është 70%.

Përsa i përket stafit të punës së këtij sektori, sipas të dhënave nga operatorët turistikë, 50% e tyre do të shkurtohen meqënëse tashmë po mbyllet sezoni.

Kalendari

Ngjarjet e datës 22 Tetor 2020  - Kryeministri Avdullah Hoti viziton Ministrinë e Shëndetësisë. (Ministria e Shëndetësisë, ora 9:30)

- Lëvizja Vetëvendosje organizon tryezën virtuale më temë 'Sa do të ndikojë moratorimumi një vjeçar për anëtarësimin e Kosovës në organizata ndërkombëtare, në pozicionin ndërkombëtar të Kosovës?' (Online, ora 10:00)  

 - Admovere organizon promovimin e publikimit 'Të Damkosurit e Ballkanit - Shqiptarët dhe Kosova në tekstet alternative gjithëballkanike të historisë'. (Hapësirat e KultPlus Caffe Gallery te Fontana në Ulpianë, ora 10:00)  

- Kryeministri Avdullah Hoti pret në takim deputetët e komunitetit joshumicë. (Ndërtesa e Qeverisë, ora ‪10:30 - vetëm pamje)

- Ministria e Tregtisë dhe Industrisë i njofton mediat se nesër do të lansohet data-baza per tregtinë në shërbime. (Ndërtesa e MTI-së, ora 11:00)

- Ministrja e Financave znj.Hykmete Bajrami dhe Auditori i Pergjithshëm i ZKA-së, Besnik Osmani raportojn para Komisionit për Mbikëqyrjen e Financave Publike lidhur me Raportin Vjetor i Auditimit. (Ndërtesa e Kuvendit, salla C301, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me përfaqësues të kompanisë “Kërveshi Partneres” dhe përfaqësuesi te OJQ, “Ngritja e Zërit”. (Ndërtesa e Kuvendit, salla N302, ora 11:00)

- Ministrja e Punëve të Jashtme dhe Diasporë, Meliza Haradinaj - Stublla raporton para Komisionit për Integrim Evropian. (Ndërtesa e Kuvendit, salla N303, ora 12:00)

- Kryetari i Komunës së Prizrenit, Mytaher Haskuka do të merr pjesë në përurimin e adaptimit të rrugës për Komunitetin RAE në rrugën “Rexhep Karaqi”. (Prizren, ora 12:00)

- Fondi për të Drejtën Humanitare dhe KOMRA Rrjeti i Pajtimit organizon debatin mbi Politikat e Kujtesës dhe Praktikat e Përkujtimit në Evropën Juglindore. (Debati do të transmetohet direkt në Facebook dhe Youtube kanalin e KOMRA Rrjeti për Pajtim, ora 17:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmitë e Hidajete Pireva, Mjeke, Qendra Kryesore e Mjekësisë Familjare-QKMF, Fushë Kosovë, Vlora Maholli, Mjeke, QKMF, Fushë Kosovë dhe Hajrie Hoti, Mjeke, QKMF, Prishtinë. (Ndërtesa e Kuvendit, salla N204, ora 14:00)

- Lëvizja Vetëvendosje!, mban konferencë për media në lidhje me skandalin e vjedhjes së më shumë se 2 milion euro nga Thesari i Shtetit. (Zyret e LV-së në Arbëri, ora 15:00)