03 Korrik 2020

Rritet numri i turistëve vendorë në Turqi

Stamboll, 7 shkurt - Numri total i udhëtimeve që janë bërë brenda vendit në tremujorin e fundit të 2016-s është realizuar me 32 milionë e 987 mijë, duke shënuar një rritje prej 0,1% në krahasim me të njëjtën periudhën të vitit të mëparshëm.

Instituti i Statistikave të Turqisë (TUIK) publikoi përfundimet e anketës “Për turizmin e brendshëm të njësive familjare” për çerekun e tretë të vitit 2016.

Sipas shifrave në fjalë 24 milionë e 14 mijë vizitorë rezidentë në Turqi kanë udhëtuar të paktën një herë gjatë kësaj periudhe tremujore.

Rritje kanë shënuar edhe shpenzimet që turistët vendorë kanë bërë gjatë udhëtimeve të tyre brenda vendit në tremujorin e tretë të vitit të kaluar.

Në total turistët vendorë kanë harxhuar 15 miliardë e 360 milionë e 556 lira turke (4 miliardë e 182 milionë dollarë), ose 23,6% më shumë se në çerekun e njëjtë të vitit të mëparshëm.

Në mesin e arsyeve të udhëtimit vendin e parë e zënë vizitat tek të afërmit, me 62,1%, të ndjekura këto nga udhëtimet për qëllime “shëtitjeje, argëtimi, pushimi” dhe ato “shëndetësore”.

Kalendari

Ngjarjet e datës 3 Korrik 2020

- Kryeministri i Republikës së Kosovës, Avdullah Hoti, viziton Republikën e Shqipërisë ku do të zhvillojë takim me kryeministrin Edi Rama. (Pallati i Brigadave në Tiranë, ora 10:00)

- Ministri  i Arsimit dhe Shkencës, Ramë Likaj, viziton Komunën e Deçanit, ku pritet në takim nga kryetari Bashkim Ramosaj. (Salla e Asamblesë Komunale, Deçan, ora 10:00)

- Ambasadori hungarez në Kosovë, Laszlo Markusz, viziton Komunën e Gjakovës. (Ndërtesa e Komunës, ora 10:45)

- Lëvizja FOL organizon konferencë për media, me ç’rast do të publikoj raportin “Pagesat e Vendimeve Gjyqësore nga Komunat - Vitet 2017, 2018, 2019”. (Zyret e Lëvizjes FOL, ora 11:00)

- Kryeministri i Kosovës, Avdullah Hoti dhe Kryeministrit të Shqipërisë, Edi Rama mbajnë konferencë e përbashkët për shtyp. (Pallati i Brigadave në Tiranë, ora 11:15)

- Hapet ekspozita “Ditarët e Depresionit” e realizuar nga Ferdi Limani. (Shtëpia e Evropës në Prishtinë, ora 12:00)

- Banorët e lagjes ”Qendra” protestojnë, të pakënaqur me shërbimet komunale. (Rr.“Rexhep Luci”, ora 12:00)

- Lëvizja Vetëvendosje! mban konferencë për media në të cilën flasin deputetët Arbërie Nagavci dhe Hajrulla Çeku. (Oborri i Kuvendit të Kosovës, ora 13:00)

- Kryeministri i Republikës së Kosovës, Avdullah Hoti takohet me Presidentin e Republikës së Shqipërisë, Ilir Meta. (Presidenca e Shqipërisë, ora 13:10)

- Kryeministri i Republikës së Kosovës, Avdullah Hoti takohet me Kryetarin e Kuvendit të Shqipërisë, Gramoz Ruçi. (Zyra e Kryetarit të Kuvendit, ora 14:00) 

- Komisioni Qendror i Zgjedhjeve mban mbledhjen e radhës. (Selia e KQZ-së, ora 14:00)

- Kryeministri i Republikës së Kosovës, Avdullah Hoti takohet me Kryetarin e Bashkisë së Tiranës, Erion Veliaj. (Zyra e Kryetarit të Bashkisë, ora 14:45)
 
- Kryeministri i Republikës së Kosovës, Avdullah Hoti takohet me Kryetarin e Partisë Demokratike, Lulzim Basha. (Zyra e Kryetarit të PD-së, ora 15:30)