20 Korrik 2019

Rritet numri i turistëve në Shqipëri

Tiranë, 24 prill - Vizitorë dhe turistë të huaj po rrisin gjithnjë e më shumë interesin për Shqipërinë, duke e kthyer në një vend të preferuar për vizita pune, biznesi dhe turizmi.

Sipas statistikave zyrtare të INSTAT, në tre muajt e parë të vitit kanë hyrë 677 mijë shtetas të huaj, me një rritje prej 12.5% në krahasim me të njëjtën periudhë të një viti më parë.

Në këtë 3-mujor të parë të vitit, ndër vendet që kanë hyrjet më të larta të shtetasve në Shqipëri, kryeson Gjermania që ka patur rritjen më të madhe 18.8 %, Polonia me 18.1%, Greqia me 16.7. Për tre muajt e parë të vitit, në Shqipëri kanë hyrë 56 mijë shtetas italianë, me rritje prej 12.3%.

Sipas INSTAT edhe në muajin mars 2018, numri i shtetasve të huaj të hyrë në vend ka shënuar numrin e 254.019 personave. Krahasuar me muajin mars 2017, ky numër është rritur me 4.3 %.

Në mars 2018, ndër vendet që kanë hyrjet më të larta të shtetasve në Shqipëri, Gjermania ka patur rritjen më të madhe me 36.4 %.

Kalendari

Ngjarjet e datës 20 korrik 2019

- Në kuadër të aktiviteteve "Ditët e Diasporës 2019"  Komuna e Deçanit në bashkëpunim më Grupi Lokal i Veprimit “Gjeravica“, organizojnë aktivitetin tradicional “Dita e Qethjes së Deleve, 2019‘’. (Bjeshkët e Strellcit , të ‘’Stanët e Shalës‘’, ora 10:00)

- Lëvizja mban konferencë për media në të cilën flasin Kryetari Albin Kurti dhe nënkryetari Besnik Bislimi. (Zyrët e Vetëvendosjes, ora 11:00)

- Mbahet ceremonia e hapjes se edicionit te parë të Prishtina Gastronomy Festival. (Sheshi “Adem Jashari” në Prishtinë, ora 12:00)

- Mbahet ceremonia e hapjes zyrtare të pikës kufitare Restelicë-Strezomir. (Pika kufitare Restelicë - Strezomir, ora 12:00)

- Behët zbulimi i pllakës së përkujtimit të Betimit të Brigadës 131 dhe promovimi i dokumentarit të historikut të Brigadës 131 të UÇK-së. (Fshati Baran, ora 18:00)