04 Qershor 2020

Protestohet në mbrojtje të natyrës në fshatin Kusar të Gjakovës

Gjakovë, 11 qershor - Qytetarët e Komunës së Gjakovës organizojnë serish sot protestë paqësore në fshatin Kusar të Komunës së Gjakovës.

Kjo është java e 4 e protestave që organizohen për të kërkuar ndalimin e gurthyesit në Kusar në zonën kadastrale Pjetërshan të Gjakovës, rrëzë Bjeshkëve të Pashtrikut, e cila është zonë me prioritet për mbrojtje  të natyrës me Planin Zhvillimor të Komunës së Gjakovës.

Duke parë përshkallëzimin e vazhdueshëm  të degradimit të pasurisë natyrore, pejsazhit dhe mjedisit në fshatin Kusar, Zona Kadastrale Pjetërshan, Gjakovë, pasuri natyrore e cila po rrezikohet të shkatërrohet organizatorët bëjnë thirrje të bashkoheni në Protestë.

Zona ku po tentohet të bëhet gurthyesi, në Planin Zhvillimor Komunal është  “Zonë malore-Hapësirë me prioritet për mbrojtjen e natyrës, ripyllëzim dhe rekreacion”, ku  po ashtu  gjenden edhe varrezat e vjetra të quajtura “ Varrezat  e Krushqive”, në mes të Kompleksit të Shpellave të  Kusarit që janë Monumente të Mbrojtura të Natyrës dhe zonës së propozuar si park nacional të Malit të Pashtrikut. Përkundër këtyre fakteve në atë hapësire Kompania është pajisur me pëlqim mjedisor dhe me leje për eksploatim të gurit gelqeror. 

Komuniteti është injoruar gjatë procesit të dhënies se Pëlqimit Mjedisor dhe po injorohet tani.
Përkundër protestave, ankesave dhe shkresave të drejtuara në Komunën e Gjakovës dhe në Ministri të  Mjedisit dhe Planifikimit Hapësinor ende nuk është ndërmarrë asgjë konkrete për të ndaluar punën.

Pasi që institucionet, përkatësisht Ministria e Mjedisit dhe Planifikimit Hapësinor dhe Komuna e Gjakovës nuk po reagojnë në mbrojtje të natyrës duke mos e revokuar pëlqimin mjedisor dhe lejen për ndërtimin e gurëthyesit në Bjeshkët e Pashtrikut, qytetarët e kësaj treve ju bëjnë thirrje medieve që ta përcjellin nga afër këtë protestë duke qenë zëri qytetarëve në mbrojtje të natyrës.

Kalendari

Ngjarjet e datës 4 Qershor 2020 - Mbahet ceremonia e marrjes së detyrës nga Kryeministri i zgjedhur, Avdullah Hoti. (Ndërtesa e Qeverisë, ora 9:00)

- Mbahet mbledhja ceremoniale e Qeverisë së Republikës së Kosovës, e udhëhequr nga Kryeministri Avdullah Hoti. (Ndërtesa e Qeverisë, ora 9:30)
  
- Kompanitë e auto-shkollave protestojnë për rifillimin e punës. (Para Ministrise se Infrastruktures, ish-pallati i Rilindjes, ora 10:00)

- Instituti i Kosovës për Drejtësi publikon raportin “Dështimi i gjykatave në mbushjen e Programit për Kompensimin e Viktimave të Krimit”. (Hotel “Sirius”, ora 10:30)
  
-  Mbahet seancë e Kuvendit në të cilën pritet të formohet Komisioni Hetimor Parlamentar për menaxhimin e pandemisë së virusit “COVID-19” nga ana e Qeverisë së Kosovës. (Kuvendi i Kosovës, ora 11:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve në lagjen Lakrishte. (Lagja Lakrishte në Prishtinë, ora 11:00)

- Kryeministri Avdullah Hoti bën homazhe te varri i ish-presidentit të Kosovës, Ibrahim Rugova. (Velani, ora 12:00)

- Këshilli iniciues i punëtorëve të Korporatës Energjetike të Kosovës organizon protestë para mensës së Termocentralit Kosova B. (Termocentrali Kosova B, Obiliq, ora 12:00)

-  Kryeministri Avdullah Hoti bën homazhe në Kompleksin Memorial “Adem Jashari” në Prekaz. (Prekaz, ora 13:30)

- Kryeministri Avdullah Hoti viziton Ministrinë e Shëndetësisë. (Ministria e Shëndetësisë, ora 15:30)