23 Tetor 2019

Promovohet guida turistike për Kosovën në holandisht

Hagë, 17 maj - Është promovuar në Hagë guida e parë për Kosovën në gjuhën holandeze, një libërth që jepë një përmbledhje të gjërave më të mira për të vizituar vendin tonë. 

Libri i shkruar nga Gerda Mulder është botuar nga kompania numër një në Holandë për guida turistike, përderisa ngjarjen e promovimit e ka organizuar Ambasada e Kosovës në Hagë, e cila mblodhi dashamirët e rajonit në hapsirat e saja. 

Ambasadori Lirim Grajçevci, kishte ftuar edhe ish ambasadorin e OSBE-së në Kosovë holandezin Dan Everts, Konsulin kosovarë të nderit Robert Bosch si dhe mysafirë të tjerë të cilët përveç ofertës turistike të Kosovës patën shansin që të provojnë edhe verërat kosovare. 

Autorja prezantoi botimin dhe shfaqi disa fotografi nga vendi duke përfshi edhe një ndarje të kryeqytetit të Kosovës si Prishtina Otomane, Prishtina Jugoslave dhe Prishtina kosovare. Guida më së shumti përfshinë Kosovën urbane mirëpo me përshkrime të tjera të asaj rurale dhe vizitave që mund t’i bëhen bjeshkëve. Ajo veçoi Muzeun etnologjik në Prishtinë dhe Gjakovë, Kullat në Drenovc, si dhe turizmin avanturer në qytetin e Pejës.

Nga ana e tij gazetari dhe pronari i kompanisë Balkan Natural Adventure nga Peja, Virtyt Gacaferri prezantoi ofertën e Kosovës sa i përket natyrës duke theksuar biodiverzitetin e bjeshkëve të Kosovës. 

“Përkundër mangësive në menagjimin e mbeturinave, në Kosovë mund të gjeni natyrën më të paprekur në Evropë. Në bjeshkët tona nuk ka bujqësi të industrializuar, bari nuk prehet dhe bimët kanë jetë të plotë”, ka shpjeguar Gacaferri në mes të tjerash. 

Në Kosovë numri i turistëve holandez është shumë i vogël përderisa ky libër mund të ndihmojë rritjen e tyre. Në vitin 2018 sipas Zyrës së Statistikave të Kosovës, vendin e kanë vizituar 3100 vizitorë nga Holanda, për ndryshim prej 17 mijë nga Gjermania.

 

Kalendari

Ngjarjet e datës 23 tetor 2019 - Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën Fillore të Mesme të Ulët "Eqrem Qabej" në Mitrovicë, ku do të takoj drejtoreshën e kësaj shkolle, Remzije Alidemaj, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës, ora 9:50)

- Mbahet mbledhja e rregullt e Komitetit për Politikë dhe Financa të Komunës së Mitrovicës. (Salla e mediave të Komunës së Mitrovicës, ora 10:00)

- Mbahet dita e parë e panairit ndërkombëtar të Agrobiznesit dhe Ushqimit AGROKOS. (Salla 1 Tetori, ora 10:00)

- Klubi i Prodhuesve të Kosovës dhe SOS Fshatrat e Fëmijëve Kosova organizon ceremoninë inauguruese të Punëtorisë “Made in Kosova”. (SOS Fshatrat e Fëmijëve në Prishtinë, Rr. 1 Tetori p.n, Velani, ora 11:00)

- Organizatat joqeveritare Community Building Mitrovica, Mundësia, 7 Arte, Civil Development Organisation, Iniciativa Qytetare Skenderaj organizojnë konferencën e përbashkët të në të cilën do të prezantohet Raporti i monitorimit të aktivitetit të prokurimit: Qendra e riciklimit industrial për mbeturinat paraprakisht të klasifikar ose të përziera.  (Community Building Mitrovica, pas ëmbëltorës “Ballkan, ora 11:00)

- Lansohet platforma digjitale në rajon me koncept të "ekonomisë së përbashkët" e cila ju mundëson individëve të përfitojnë nga mjetet e tyre motorike duke i lëshuar ato me qira, si dhe personave të interesuar të marrin makina motorike me qira me cmime më të arsyeshme se nga format trandicionale të makinave me qira. (Objekti i Inovation Center of Kosova, ora 11:00)

- Bëhët promovimi i librit "Me Mall dhe Lot nga Stambolli" të autorit Hamdi Thaqi dhe Nazife Prebreza- Thaqi, që flitet për shpërnguljen e familjes Prebreza nga Toplica. (Biblioteka Kombëtare, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.51. (Hoteli Grand, ora 12:30)

- Takohen dy grupet punuese të Lëvizjes Vetëvendosje dhe Lidhjes Demokratike të Kosovës. (Selia e LDK-së, “Qafa”, ora 15:00)

- Gjykata Kushtetuese e Republikës së Kosovës me në ceremoni solemne shënon vitin e 10-të Jubilar Gjyqësor. (Hotel Emerald, ora 17:00)