03 Shkurt 2023

Përurohet Ura e restauruar e Tabakëve

Gjakovë, 18 dhjetor - Katër muaj punë rindërtimi dhe rinovimi intensiv të Urës së Tabakëve në Gjakovë arritën në përfundim.

Ngjarja u shënua me një ceremoni zyrtare në të cilën morën pjesë Znj. Maria Suokko, Përfaqësuese e Përhershme e UNDP-së, Znj. Hillen Francke, Zëvendës Shefe për Bashkëpunim në Zyren e BE-së, Znj. Burbuqe Bakija- Deva, Zëvendës Ministre e Kulturës, Rinisë dhe Sportit, Ferdinand Kolaj, Drejor i Drejtorisë komunale për Zhvillim Ekonomik, zyrtarë komunalë dhe partnerë.

Ura e Tabakëve është një perlë e arkitekturës osmane ndërtimi i të cilës u përfundua në vitin 1751. Urën e ndërtuan zejtarët vendas duke përdorur material ndërtimi të marrë nga rrethina e afërt.

Sipas rrëfimeve historike, ideja për ndërtimin e urës erdhi nga një grup mjeshtërish të lëkurave, të cilët menduan se ura ishte një domosdoshmëri që do të ju mundësonte transportin më të lehtë të produktevet të tyre për në Selanik, Greqi.

Punimet e rinovimit përfshijnë instalimin e rrjetit elektrik dhe sistemin e ndriçimit të Urës, ndërtimin e shëtitores dhe vendkalimeve, trajtimin e bregut të lumit me gurë, instalimin e dritave në të gjithë parkun, dhe muralet.

Pamja e re u mundësua falë projektit  të Programit të Kombeve të Bashkuara për Zhvillim (UNDP) “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, i financuar nga Instrumenti i BE-së që kontribuon për Stabilitet dhe Paqe (IcSP/BE). 

Gjatë 18 muajve të fundit, projekti ka përfunduar 16 segmente të projektit duke restauruar dhe rinovuar vendndodhje të trashëgimisë kulturore dhe fetare në tërë Kosovën.

Ky segment i veçantë i projektit u financua gjithashtu edhe nga komuna e Gjakovës duke forcuar ndjeshëm partneritetin lokal.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)