11 Gusht 2020

Një milion vende pune humben çdo ditë në turizëm nga Koronavirusi

Paris, 25 mars - Sipas hulumtimit të kryer nga Këshilli Botëror i Udhëtimit dhe Turizmit (WTTC), rreth një milion vende pune janë duke u humbur çdo ditë në sektorin e udhëtimit dhe turizmit për shkak të përhapjes së koronavirusit në dy javët e fundit.

Nga WTTC thonë se deri në 75 milion vende pune janë në rrezik të menjëhershëm, që përbën një rritje prej 50 për qind nga hulumtimi i saj i mëparshëm.

Të dhënat thonë se për shkak të efektit gjithpërfshirës së pandemisë, këtë vit humbja nga udhëtimet dhe turizmi do të jetë 2,1 trilionë dollarë.

Këshilli gjithashtu zbuloi nivelin e krizës për rajonet individuale.

Rajoni i Azisë-Paqësorit pritet të ndikohet më së shumti me deri në 49 milionë vende punë në rrezik në të gjithë rajonin, që përbën një humbje prej rreth 800 miliardë dollarë.

Turizmi dhe sektori i udhëtimeve në Evropë parashikohet të humbasë 10 milionë vende pune, që përbën një humbje prej afro 552 miliardë dollarë.

Amerika Veriore dhe Jugore gjithashtu pritet të preken fort nga kjo krizë, ku SHBA, Kanada dhe Meksika pritet të humbin deri në 570 miliardë dollarë së bashku, me pothuajse 7 milionë vende pune në rrezik.

Drejtorja ekzekutive e WTTC-së, Gloria Guevara, fajëson qeveritë që nuk kanë arritur që të reagojnë në mënyrë të shpejtë për t'i ardhur në ndihmë këtij sektori.

"Nëse nuk ndërmerren veprime urgjente brenda disa ditëve në vijim, sektori përballet me 'shkrirje ekonomike' nga e cila do të luftojë të rikuperohet dhe do të zhysë në borxhe miliona njerëz të varur prej tij", tha ajo.

Guevara paralajmëroi që situata në sektorin e udhëtimeve dhe turizmit do të krijojë një "efekt domino" që rezulton në humbje masive të vendeve të punës në të gjithë zinxhirin e furnizimit.

"Ne u bëjmë thirrje të gjithë atyre që janë në pozita të pushtetit të ndihmojnë të pafuqishmit dhe të miratojnë politika për të mbështetur dhe mirëmbajtur një sektor i cili është një forcë lëvizëse e ekonomisë globale dhe përgjegjës për gjenerimin e një nga pesë vendet e reja të punës", shtoi ajo.

Në raport theksohet se Gjermania rrezikon të jetë vendi më i prekur në Evropë, me gati 1,6 milionë vende pune në rrezik, e ndjekur nga Rusia me rreth humbjen e rreth 1,1 milionë vendeve të mundshme të punës.

Udhëtimi dhe turizmi kontribuojnë në 10,4 përqind të PPV-së globale dhe është drejtpërdrejt përgjegjës për gjenerimin e 10 për qind prej vendeve të punës në botë, ndërsa për tetë vjet me radhë ka tejkaluar nivelin e rritjes së ekonomisë globale.

Kalendari

Ngjarjet e datës 11 Gusht 2020 - Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:00 - nisja për medie nga parkingu i Ministrisë së Infrastrukturës, ora 9:30)

- Kryetarja e Kuvendit, dr. Vjosa Osmani viziton Komunën e Mitrovicës së Jugut. (Ndërtesa e komunës, ora 10:00)

-  Komisioni për Mbikëqyrjen e Financave Publike shqyrton Raportin e Auditimit për Ministrinë e Diasporës dhe Investimeve Strategjike, për vitin e përfunduar më 31 dhjetor 2019. (Salla e seancave plenare, ora 10:00)

- Ministrja e Kulturës, Rinisë dhe Sportit, Vlora Dumoshi, do të vizitojë Komunën e Malishevës ku do te takohet me kryetarin Ragip Begaj. (Objekti i Komunës, ora 10:00)

- Ministria e Punëve të Brendshme do të pranojë donacion nga kompania “Sezin” nga Turqia me ndihmën e Ambasadës së Republikës së Turqisë në Kosovë, ku do të dhurohen maska dhe pajisje tjera mjekësore. (Para objektit qendror të MPB-së, ora 10:00)

- Kryetarja e Kuvendit, dr. Vjosa Osmani viziton mban ashkëbisedim me të rinjët lidhur me çështje të ambientit. (Te Liqeni  Hapësira pranë urës nga ana e Suhodollit, Mitrovicë e Jugut, ora 10:30)

- Zëvendëskryeministri Besnik Tahiri viziton Fondin e Kursimeve Pensionale të Kosovës për të diskutuar rreth rimëkëmbjes ekonomike. (Ndërtesa e TRUST-it, Rruga "Agim Ramadani", ora 11:00)

- Instituti Demokratik i Kosovës organizon konferencën për media ku do të shpalosen gjetjet nga analiza e burimit të problemeve në mos zbatimin e rekomandimeve të Auditorit të Përgjithshëm nga komunat. (Zyrat e KDI-së, ora 11:00)

 - Kryetarja e Kuvendit, dr. Vjosa Osmani viziton FAFOS​ në Mitrovicë të Jugut. (Mitrovicë e Jugut, ora 11:30)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit diskuton lidhur me programin legjislativ për vitin 2020 respektivisht të Projektligjeve të Ministrisë së Drejtësisë si dhe për gjendjen në Institucionet Korrektuese në Republikën e Kosovës për shkak të Pandemisë me Covid-19. (Salla e seancave plenare, ora 13:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton raportin e panelit përzgjedhës për shqyrtimin e aplikacioneve, intervistim dhe listën e ngushtë të kandidatëve për Avokat të Popullit. (Ndërtesa e Kuvendit, salla N302, ora 13:00)

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgon dëshmitë e dëshmitarëve. (Ndërtesa e Kuvendit, salla N10, ora 14:30)

- Organizata ETEA dhe Biblioteka “Hivzi Sulejmani” organizojn takim me shkrimtarin dhe kryetarin e Akademisë së Shkencave dhe Arteve, Mehmet Kraja. (Qendra për Edukim dhe Kulturë “Libart” në objektin e bibliotekës “Hivzi Sulejmani” në lagjen “Dardania”, ora 18:00)  .