24 Janar 2020

Mirënjohje për shqiptaren e parë që u ngjit në Everest

Gjilan, 31 maj – Kryetari i Komunës së Gjilanit, Lutfi Haziri, i ka ndarë sot mirënjohje alpinistes gjilanase, Flutura Ibahimi-Uta, për suksesin e saj të jashtëzakonshëm, duke u bërë shqiptarja e parë që është ngjitur në malin më të lartë në botë, Everest.

“Sot po e shënojmë një arritje jashtëzakonisht të madhe të bashkëqytetares sonë, e cila ka arritur një sukses jashtëzakonisht të madh në pushitimin e majës më të lartë në botë. Edhe pse një ekspeditë shumë e vështirë, heroina e Gjilanit ka shkelë në pikën më të lartë, e ka ngrit flamurin e Kosovës për herë të parë dhe flamurin e shqipatrëve për herë të dytë.  Në emër të qytetarëve të Gjilanit, unë e kam nderuar me mirënjohje dhe uroj e shpresoj që ta kemi Utën me suksese tjera në Gjilan”, ka thënë kryetari Haziri.

Ndërkaq, alpinistja Flutura Ibrahimi-Uta, e ka falënderuar kryetarin Haziri për mirënjohjen dhe vlerësimin, ndërkaq ka premuar se do të vazhdoj edhe në të ardhmen të punojë drejt suksesve të reja në alpinizëm.​

Kalendari

Ngjarjet e datës 24 janar 2020

- Shefja e Misionit të Vëzhgimit të Zgjedhjeve nga BE, Viola von Cramon-Taubadel organizon konferencë për media lidhur me prezantimin e Raportit Final dhe Rekomandimeve te zgjedhjeve te parakohshme legjislative në Kosovë. (Hotel Swiss Diamond, ora 9:30)

- Akademia e Kosovës për Siguri Publike organizon konferencën e 7-të ndërkombëtare “Sfidat e Mobilitetit të Transportit dhe Siguria Publike”. (Qendra Mësimore “Steve Bennett” në AKSP, Vushtrri, ora 10:00) 

- Kolegji i Shkencave të Aplikuara Teknike Tempulli në bashkëpunim me Fakultetin e Sigurisë Publike dhe Akademinë e Kosovës për Siguri Publike, organizojnë Konferencën e 7-të Ndërkombëtare "Sfidat e mobilitetit në transport dhe siguria publike". (Akademia e Kosovës për siguri publike në Vushtrri, ora 10:00)

- Zëvendës ndihmës Sekretari i Shtetit në Byronë e Narkotikëve Ndërkombëtarë dhe Çështjeve të Zbatimit të Ligjit Jorgan K. Andrews vizton Akademinë e Kosovës për Siguri Publike  ku do të pritet nga Drejtori i Përgjithshëm i Akademisë Ismail Smakiqi si dhe menagjmenti i lartë. (Objekti i Akademisë në Vushtrri, ora 10:45)

- Kryetari i Degës së PDK-së në Prizren, Shaqir Totaj mban konferencën e radhës me gazetarë. (Zyret e Degës në Prizren, ora 11:00)

- Nën patronatin e kryetarit të komunës, Agim Bahtiri do të mbahet manifestimi sportiv i shpalljes së “Sportistit të vitit 2019”. (Restaurant “Villa Lux” në Mitrovicë, ora 17:00)