05 Qershor 2020

Maqedoni, Sezoni i dobët veror, paralajmërohen largime nga puna

Ohër, 30 korrik - Pjesa më e madhe e hoteleve në Ohër dhe Strugë këtë verë janë bosh. Pronarët e hoteleve thonë se prej shtatorit planifikojnë që të heqin nga puna një pjesë të të punësuarve.

Nuk e përjashtojnë edhe mundësinë që ti mbyllin edhe kapacitetet e veta. Ata thonë se shkak për sezonin katastrofal ishte numri minimal i mysafirëve, sidomos nga Serbia të cilët gjetën destinacione të tjera për pushim. Thonë se humbjet që tani i vlerësojnë në disa qindra mijë euro.

“Këtë vit kemi rreth 30% ulje të numrit të vizitorëve në raport me vitin e kaluar. Këtë vit disa nga kolegët do të ndërmarrin edhe masa të tilla, si largime nga puna”, deklaroi Pero Kutanovski, nga hotel ‘Granit’.

“Ky sezon vërtetë është i dobët për ne. Këtë vit nuk mund të presim fitim. Këtë vit nëse ia dalim të jemi rentabël do të jemi shumë të lumtur”, tha Lupço Cvetanovski, nga hotel ‘Klimetica’.

Cvetanovski thotë se faji për sezonin e dobët qëndron edhe tek shteti si dhe të punëdhënësit turistikë.

“Sezoni turistik do të përfundojë, por çfarë do të ndodhë me tej? Cila është strategjia jonë? Ne mysafirëve tanë u japim mëngjes, drekë dhe darkë. Kjo nuk ekziston askund në botë. Rendi i ri i shërbimit të mysafirëve është vetëm përfshirja e mëngjesit”, u shpreh Pero Kutanovski, nga hotel ‘Granit’.

Pronarët e hoteleve pohojnë se edhe krahas uljes së  çmimeve, 70% e kapaciteteve në disa hotele janë bosh.

Megjithatë presin se Ohrin dhe Strugën do ta plotësojnë këtë fundjavë disa manifestime që do të mbahen këto ditë si: “Festivali i Birrës”, koncerti i di xhejit Pol Van Dajk si dhe i grupit “ Bjello Dugme”. Se Ohri është i zbrazët flasin edhe të dhënat nga komuna se numri i makinave në qytet është për 50% më i vogël krahasuar me vitin e kaluar.

Kalendari

Ngjarjet e datës 5 Qershor 2020

- Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)