19 Shtator 2020

Maqedoni, Mbi 60 për qind e qytertarëve nuk kanë para për pushim

Bruksel, 12 mars - Më shumë se 60 për qind e qytetarëve të Maqedonisë vitin e kaluar nuk kanë shkuar në pushim vjetor për shkak të arsyeve financiare.

Këtë e tregoi hulumtimi më i ri i Eurobarometër, sipas të cilit, vitin e kaluar 65 për qind e bullgarëve nuk kanë pasur para për të shkuar në pushim, njëjtë si edhe 62 për qind të rumunëve dhe nga 61 për qind të qytetarëve të Maqedonisë dhe Hungarisë.

Hulumtimi ka treguar se 69 për qind e evropianëve vitin e kaluar kanë udhëtuar së paku një herë për arsye private apo afariste. Arsyeja më e shpeshtë për udhëtim kanë qenë pushimi dhe rekreimi (37 për qind), dëshira për të qenë në diell dhe plazh (19 për qind) dhe vizita e farefisit dhe miqve (17 për qind).

Prej atyre që kanë qenë në pushim thuajse gjysma kanë udhëtuar me automobil apo me motor, ndërsa një e treta me aeroplan. Po ashtu, gjysma e turistëve udhëtimet i kanë organizuar vetë, ndërsa 13 për qind këtë ia kanë lënë agjencisë turistike.

Rreth 40 për qind e evropianëve konsiderojnë se do të duhej të kursejnë mjete plotësuese për të udhëtuar në pushim vjetor gjatë këtij viti, përderisa dhjetë për qind, kanë thënë se janë hasur në vështirësi serioze financiare, të cilat do të ndikojnë në planet e tyre për udhëtim, tregoi hulumtimi i Eurobarometër.

Kalendari

Ngjarjet e datës 19 Shtator 2020 - Për nder të 100 vjetorit të shpalljes së Tiranës Kryeqytet, “Muzeu Lëvizës”, Komuna e Prishtines bashkë me Muzeun e mirëpresim edhe nënkryetaren e Bashkisë së Tiranës, Anuela Ristani dhe drejtoreshën ekzekutive të Unioni i Bashkive Shqiptare të Rajonit, Andriola Kambo hapin 'Muzeu Lëvizës'. (Sheshi 'Ibrahim Rugova', ora 10:00)

- Let’s Do It Kosova në kuadër të Lëvizjes Globale “Let’s Do It World” sjell përsëri në Kosovë “Ditën e Pastrimit të Botës 2020” ku do të fillojë me aktiviteti te pastrimin e qytetit nga mbeturinat. (Në afërsi të stadiumit “Fadil Vokrri”, lokacioni te parkingu i autobusëve, ora 11:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Muzeun e Kosovës. (Muzeu i Kosovës, ora 11:30)

- Let’s Do It Kosova vazhdon me aktivitetin e dytë qëndror për shënimin e “Ditës së Pastrimit të Botës 2020”. (Parku i Qytetit të Prishtinë, ora 13:00)

- Lëvizja Vetëvendosje mban konferencë për media në të cilën flasin Kryetari i LV-së, Albin Kurti dhe Sekretari për Marrëdhënie me Jashtë, Kreshnik Ahmeti. (Zyret e LV-së në Arbëri, ora 14:00)

- Përfaqësues të lartë nga Prokuroria Themelore në Gjilan, Inspektorati Policor i Kosovës dhe Policia e Kosovës mbajn konferencë për media, të organizuar nga Prokuroria Themelore në Gjilan, lidhur me aksionin e realizuar mbrëmë në fshatin Karaçevë, komuna e Kamenicës dhe rajone tjera. (Prokuroria Themelore në Gjilan, rruga ‘’Marie Shllaku’’, ora 14:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Kopshtin me Bazë në Komunitet “Cicërimat”. (Kopshtin “Cicërimat”, ora 14:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Parku Germia. (Parku Germia, ora 15:00)