31 Janar 2023

Maqedoni, Hotelierët shënojnë rënie drastike në janar

Shkup, 17 shkurt - Madje 90 për qind e objekteve hotelierike në janar kanë shënuar rënie të qarkullimit në krahasim me muajin e njëjtë të vitit të kaluar, me ç`rast nuk është i vogël numri i objekteve që kanë regjistruar rënie të qarkullimit prej 70 për qind.

Këto rezultate sot në Shkup i prezantoi Oda turistiko-hotelierike e Maqedonisë, duke i bërë thirrje edhe një herë Qeverisë që ta liberalizojë ligjin për pirjen e duhanit, meqë tërë sektori është gjunjëzuar.

Prej gjithsej 511 objekteve të anketuara hotelierike, rënie të të ardhurave kanë paraqitur 90 për qind, përderisa në janar të vitit 2009, gjysma e tyre kanë regjistruar rritje të të ardhurave në krahasim me janarin e vitit 2008.

Madje 59 për qind e hotelierëve janë prononcuar se kanë përjashtuar apo planifikojnë të përjashtojnë një pjesë të të punësuarve, ndërsa 87 për qind shprehen se numri i vizitorëve në lokalet e tyre ka shënuar rënie.

Gjendje më alarmante shënohet në Ohër dhe Strugë, ku, sipas përfaqësuesve të Odës turistiko-hotelierike, rënia e qarkullimit është madje 70 për qind.

“Letargji totale sundon në çarshinë e Ohrit. Rrugët në orët e mbrëmjes janë të shkreta, ndërsa lokalet të zbrazëta e madje edhe të premten në mbrëmje”, shprehen hotelierët nga Ohri.

Ekziston edhe druajtje serioze se stinori i ardhshëm turistik në Maqedoni do të jetë shumë i dobët për shkak të ligjit rigoroz për pirjen e duhanit.

“Nëse jeni në gjendje të zgjedhni nëse do të shkoni në pushim në Greqi apo Shqipëri, ose në Ohër dhe Strugë, me siguri do të vendosni të shkoni në shtetet fqinje, meqë mund të pini cigare lirshëm, të bleni alkool pas orës 19 dhe nuk jeni të kufizuar me disa ndalesa tjera”, tha Emill Poposki, hotelier nga Struga.

Përfaqësuesit e Odës turistiko-hotelierike sërish kërkuan ndryshim të Ligjit, me çka do të mundësohej në objektet të bëhet ndarje në pjesën ku pihet dhe ku nuk pihet duhani, ndërsa në kazinotë, diskotekat dhe klubet e natës të pihet duhani pa kufizim.

Hotelierët kërkuan edhe zvogëlim të gjobave për shkeljen e këtij Ligji, të cilat sipas disa hulumtimeve të caktuara janë në mesin e më të lartave në Evropë.

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00