13 Nëntor 2019

Kriza paralizon turizmin grek

Athinë, 2 gusht - Turistët, të detyruar të lënë kampin pasi shoferët dhe punonjësit publikë janë në grevë dhe nuk ka makina apo shërbime për të qarkulluar.

Dyqanet dhe super-marketet pa perime të freskëta. Kjo është pamja që ofron sezoni turistik në Greqi, në vendin i cili njihet për dyndjet e mëdha të turistëve gjatë çdo sezoni.

Sipas drejtuesve të institucioneve greke, kriza ka goditur sektorin, i cili i sillte miliarda euro të ardhura, vendit që krenohej me turizmin.

Për këtë arsye, qeveria greke vendosi që të kërkojë mobilizimin civil, një lloj i rekrutimit aplikuar në rast lufte apo fatkeqësish natyrore, gjë që do të thotë se ajo parashikon të marrë masa edhe nëse vendi është në krizë.

\"Ne do të shkojmë absolutisht në fund, - tha një zëdhënës i kryeministrit Papandreu, - nuk do të bëjmë asnjë hap prapa\".

Duke paralajmëruar se qeveria nuk do të ndalet me paketat e saj të anti-krizës, edhe pse pas shoferëve grevën e kanë bërë me dijeni edhe farmacistët, juristët, inxhinierët etj.

Pardje sidomos ishte një ditë e tmerrshme. Në qytetin verior të Selanikut ka patur përleshje mes shoferëve dhe agjentëve me veshje speciale.

Hotelet në ishuj janë mbyllur dhe shumë turistë në Halkidiki janë larguar, ndërsa  situata mbetet e vështirë sidomos edhe në Patras.

Duket se një numër i madh i makinave me qira janë braktisur pa karburant për turistët, ndërsa ka rënë edhe niveli i regjistrimit nga agjencitë e udhëtimit.

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)