25 Shkurt 2020

Kosovarët nuk janë të njoftuar për përfitimet që mund të sjellë turizmi

Prishtinë, 1 shkurt - Instiuti Demokraci për Zhvillim organizoi konferencën me temën “Turizmi për zhvillim: Mundësitë që duhen shfrytëzuar“, në partneritet me Projektin për Promovimin e Punësimit në Sektorin Privat, financuar nga Zyra Zvicerane për Zvillim dhe Bashkëpunim (SDC), e që ka për qëllim promovimin dhe zhvillimin e sektorit të turizmit në Kosovë dhe inkurajimin e investimeve kapitale në këte sektor.

Rezarta Delibashzade, nga Instituti D4D, tha se sektori i turizmit është një sektor me rëndësi për zhvillimin ekonomik të vendit.

Në Kosovë publiku nuk është mirë i njoftuar për përfitimet që mund të sjellë turizmi, derisa sektori privat nuk është i inkurajuar të investoj në këtë sektor për arsye të ndryshme.

Nga shumë ekspert të fushës së turizmit theksohet se sektori i turizmit mbetet i pashfrytëzuar dhe i injoruar nga autoritetet relevante.

Zëvendësministri Avni Kastrati nga Ministria e Tregtisë dhe Industrisë, theksoi se Qeveria e Kosovës është e përkushtuar të punoj për zhvillimin e turizmit në Kosovë, duke implementuar strategji dhe legjislacionin e nevojshëm. Poashtu edhe fuqizimi i departamentit për turizëm në kuadër të MTI-së do ndihmonte në implementim e strategjisë për turizëm.

Sigrid Meijer, Menaxhere e Programit, Promovimi i Sektorit Privat, Swiss Contact në Kosovë konsideron të rëndësishme nevojën e promovimit të turizmit në Kosovë sepse është një ndër mënyrat më të mira për të vendosur Kosovën në hartë. Poashtu duhet një bashkëpunim në mes sektorit privat dhe institucioneve publike për të implementuar strategjinë për zhvillim të turizmit.

Hulumtimi i D4D-së i prezentuar sot parasheh të nevojshme rishikimin e Ligjit mbi Turizmin dhe funksionalizimin e Këshillit mbi Turizmit që të ketë një strukturë të qartë të komunikimit dhe të punës dhe të promovohet më mire turizmi. Poashtu kjo strukturë ligjore të parasheh edhe investimet direkte qeveritare për rregullim të infrastrukturës që zonat turistike të jenë të çasshme për turistët.

U konkludua nga pjesëmarrësit që janë përpiluar shume strategji, politika e dokumente që kanë për qëllimin zhvillimin e sektorit të turizmit në Kosovë, mirëpo zbatimi i këtyre dokumenteve mbetet shpesh problem dhe sfidë, jo vetëm në këtë sektor por edhe në shumë sektor tjerë te zhvillimit.

Ministria relevante dhe departamentet përgjegjëse duhet të investojnë më shumë në këtë sektor që është i rëndësishëm jo vetëm në aspektin e zhvillimit ekonomik, por edhe në aspektin e promovimit të Kosovës dhe mundësitë për punësimin e të rinjëve dhe të rejave në sektorin e turizmit.

Bashkëpunimi me sektorin privat duhet të inkurajohet më shumë dhe që sektori privat të jetë pjesë e proceseve që ndërlidhet me përpilimin e strategjive apo akteve ligjore dhe nën-ligjore për sektorin e turizmit.

Kalendari

Ngjarjet e datës 25 shkurt 2020 - Ministri i MPBAP-së, Agim Veliu do ta vizitojë Policinë i cili do të pritet nga drejtori i Përgjithshëm i PK-së, Rashit Qalaj. (Drejtoria e Përgjithshëm, ora 10:00)

- Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00)

- Ministri i MPBAP-së, Agim Veliu do ta vizitojë Kampinë e policisë “Vrella“ Sllatinë. (Kampi Vrella në Sllatinë, ora 10:45)

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Kryeministri Albin Kurti pret në takim delegatin Apostolik të Vatikanit për Kosovë, Jean Marie Speich. (Ndërtesa e Qeverisë, ora 12:30 - vetëm pamje)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)

- Kryeministri Albin Kurti pret në takim delegacionin e Fondit Monetar Ndërkombëtar. (Ndërtesa e Qeverisë, ora 15:00  - vetëm pamje)

- Ipeshkvia e Prizrenit organizon meshën e shenjtë kushtuar e Imzot Nikë Prelës në 24 vjetorin e kalimit në amshim. (Katedralja “Nëna Terezë”, nga ora 16:00)

- Ministrja e Arsimit, Shkencës, Teknologjisë dhe Inovacionit, Hykmete Bajrami, së bashku me kryetarin e Komunës së Kamenicës, Qëndron Kastrati, do të mbajnë konferencë të përbashkët për media, lidhur me çështjen e riorganizimit të procesit mësimor në komunën e Kamenicës.  (MAShTI, ora 16:00

- Fondacioni Shtatëmbëdhjetë organizon hapjen e ekspozitës Infrared: Additions. (Rr. Henrik Bariq, nr 5,  Shtatëmbëdhjetë, Prishtinë, ora 18:00)