02 Shkurt 2023

Kosova prezanton ofertën turistike në ekspozitën ndërkombëtare EMITT 2020

Stamboll, 4 shkurt - Potenciali turistik i Kosovës u promovua për katër ditë me radhë në ekspozitën e përvitshme ndërkombëtare EMITT që mbahet në Stamboll të Turqisë.

Oferta turistike e Kosovës u prezantua para mijëra profesionistëve të industrisë së turizmit dhe vizitorëve të interesuar të ekspozitës Ndërkombëtare të Turizmit dhe Udhëtimit në Mesdheun Lindor (EMITT).

Bizneset që prezantuan ofertat e tyre individuale, por edhe Kosovën si destinacion ishin: Fibula, Fluturime (Gears Up Solutions), Outdoor Kosova, Max Travel, Seraphine Plaza, Hotel Sharri, Four Season, Bushati Old House, City Hotel, Kamp Karagaq, Hotel Dukagjini dhe Drejtoria e Turizmit e Prizreni.

“Këto biznese dhanë një kontribut të madh në ekspozitë dhe pritet të ndjehet së shpejti efekti pozitiv i rritjes së kërkesës së vizitorëve të huaj për të ardhur në Kosovë gjatë vitit 2020,” u shpreh Baki Hoti nga Shoqata e Turizmit Alternativ të Kosovës.

Sipas tij, “Pjesëmarrja në këtë panair pati rëndësi të veçantë dhe strategjike me qëllim të promovimit të Kosovës si destinacion dhe zhvillimit të turizmit në vend”.

Në kuadër të shumë takimeve dhe bisedave që bizneset e Kosovës patën me homologë ndërkombëtarë u shqyrtuan mundësitë e bashkëpunimit mes agjencive turistike nga Kosovë dhe atyre nga vende të ndryshme të botës.

Agjencitë e huaja shfaqën interesim edhe për koordinimin dhe përpilimin e paketave të përbashkëta ku Kosova promovohet si destinacion turistik.

Shtandin e Kosovës e vizituan ndër të tjerë edhe Konsulli i Kosovës në Stamboll Z. Podvorica, Kryetari i Komunës së Stambollit Z. Ekrem Imamoglu dhe media televizive.
 
Pjesëmarrja e Kosovës në këtë ekspozitë ndërkombëtare u mbështet nga projekti Promovimi i Punësimit në Sektorin Privat i Agjencisë Zvicerane për Zhvillim dhe Bashkëpunim. Pjesëmarrja u koordinua nga Shoqata e Turizmit Alternativ të Kosovës.
 

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)