19 Shkurt 2020

Kosova gati për turistë amerikan dhe evropian

Prishtinë, 16 janar - Disa shkrime të disa gazetave perëndimore që kanë sugjeruar Kosovën si vend për ta vizituar për vitin 20111, ka bërë Kosova të bëhet gati për turistë.

Kryetari i Asociacionit Kosovar të Turizmit, Zekë Çeku, e vlerëson të mangët informimin e turistëve të huaj. Ai ka thënë se turizmi kosovar është pothuajse në terr sa i përket informimit të turistëve të huaj. “Mua më duhet të jem tërë ditën me turistët e huaj dhe t’i informoj ata, ne duhet të ngutemi që ta zhvillojmë turizmin”, ka potencuar ai.

Sipas tij Kosova përjetohet si vend i ri me një mikpritje të theksuar, gastronomi të shkëlqyeshme, një shërbim joprofesional, por i përzemërt, transport me kosto të lirë, aeroport me fluturime nga të gjitha drejtimet e shumë e shumë përparësi të tjera që nuk i kanë vendet e rajonit.

“Turizmi njëjavor në Kosovë është bërë i rregullt në grupe nga Anglia dhe Japonia përderisa pret që tash e tutje të ketë edhe nga vendet të tjera evropiane dhe ato amerikane”, ka vlerësuar ai.

Edhe drejtori i Agjencisë Turistike, Kaltërsia Reisen, Fidan Ibrahimi, ka mirëpritur shkrimet që janë shkruar në mediet amerikane dhe evropiane duke shprehur bindjen se me këtë do të rritet interesimi i turistëve për të ardhur në Kosovë. “Ne si agjension kemi bashkëpunime të mira më të gjitha kompanitë që merren me turizëm për të bërë aranzhime të ndryshme që kanë të bëjnë me Kosovë dhe shkrimet në gazetat më prestigjioze na bënë të besojmë se Kosova do të ketë turistë këtë vit”, ka thënë ai.

Edhe njohësi i zhvillimeve ekonomike Ibrahim Hoxha, ka vlerësuar se shkrimet që janë botuar në gazetat amerikane dhe evropiane, janë të mirëseardhura për Kosovën, por ai kërkon që Kosova të përgatitë nj pako turistike që do ta bënte më shumë Kosovën atraktive.

Ndryshe ditë më parë Gazeta më e madhe amerikane “New York Times” preferon Kosovën si një prej vendeve që duhet vizituar në vitin 2011. Kjo gazetë rekomandon 41 vende në botë që duhen parë këtë vit, të 36-n e rendit vendin tonë. Po ashtu edhe gazeta britanike “Guardian” ka preferuar Brezovicën për lexuesit e saj, kurse CNN e “Newsweek” e kanë parë Shqipërinë si mesin e atraksioneve të mëdha botërore për këtë vit.

Gazeta “Epoka e Re”

Kalendari

Ngjarjet e datës 19 shkurt 2020

- Shoqata e Kirurgëve Plastik, Rekonstruktiv dhe Estetik të Kosovës, ka organizuar për herë të parë Simpoziumin dhe Workshop-in mbi trajtimin e plagëve. (Hotel Emerald, ora 8:00)

- Klubi i Prodhuesve të Kosovës për të dytën herë me radhë po organizon Konventën e Prodhuesve të Kosovës. (Hotel Emerald, ora 9:00)

- Ministri në Detyrë për Evropën dhe Punët e Jashtme i Republikës së Shqipërisë, Gent Cakaj, vjen për vizitë zyrtare në Prishtinë, ku do të pritet nga homologu i tij, Ministri i Punëve të Jashtme dhe Diasporës i Republikës së Kosovës, Glauk Konjufca. (Ndërtesa e MPJ-së, ora 10:00)

- Instituti Demokratik i Kosovës organizon tryezën ku do të publikohet raporti “Rruga e Dukagjinit, Autostradë apo Zgjerim i Rrugës Ekzistuese”, të përgatitur nga KDI. (Hotel Sirius, ora 10:00)

- Mbahet mbledhja e rregullt e Komitetit për Politikë dhe Financa e Komunës së Mitrovicës. (Objekti i Kuvendit Komunal të Mitrovicës, ora 10:00)

- Biblioteka Kombëtare e Kosovës “Pjetër Bogdani” organizon hapjen e ekspozitës “Kujtesa e Kosovës: Jeta nën qiell e najlon”, pamjet e jetës së shqiptarëve të Kosovës në vitin 1999. (Holli i Bibliotekës, ora 11:00)

- Kryetarja e Kuvendit të Kosovës, dr. Vjosa Osmani, takohet me ministrin në detyrë për Evropën dhe Punët e Jashtme të Republikës së Shqipërisë, Gent Cakaj, me bashkëpunëtorë. (Kabineti i kryetares së Kuvendit, ora 12:00 - vetëm pamje)

- Nisma e të Rinjve për të Drejtat e Njeriut organizon një protestë para zyrës së avokatit Tomë Gashi, për të kundërshtuar sjelljen e tij abuzive që bëri ditë më parë ndaj një lypësari në shesh të Prishtinës. (Para Zyrës së Avokaturës, afër Kino ABC, ora 12:00)

- Agjencia Kosovare e Privatizimit do të mbajë ceremoninë e hapjes së ofertave të shitjeve përmes likuidimit nr.54. (Hotel Grand, ora 12:30)

- Kinema “Jusuf Gërvalla”, në Pejë shfaq filmin "Gjumë dhe Dashuri". (Kinema në Pejë, ora 19:00)