11 Gusht 2020

Koronavirusi tkurr turizmin global për 80 për qind

Gjenevë, 7 maj - Në varësi të shpejtësisë së kufizimit, kohëzgjatjes së kufizimeve të udhëtimit dhe mbylljes së kufijve, Organizata Botërore e Turizmit (UNWTO) projekton që turizmi ndërkombëtar të pësojë tkurrje me 58 për qind -78 për qind nga viti në vit në vitin 2020.

Kjo vendos miliona biznese në rrezik dhe kërcënon të kthejë prapa progresin e bërë në avancimin e Qëllimeve të Zhvillimit të Qëndrueshëm (SDG), bëri të ditur sot organi i turizmit i OKB-së.

Pasi që turizmi është një nga sektorët më intensivë të punës në ekonomi, kriza e koronavirusit të ri(COVID-19) do të vë në rrezik 100-120 milionë punë të drejtpërdrejta të turizmit, theksoi UNWTO.

Kriza do të çojë në humbjen e 910 miliardë dollarëve deri në 1.2 trilion dollarë në të ardhurat e eksportit nga turizmi këtë vit, parashikojnë ata.

Duke e quajtur si krizën më të keqe deri më tani me të cilën është përballur turizmi ndërkombëtar që kur filluan regjistrimet në vitin 1950, UNWTO tha se ndikimi do të ndihet në shkallë të ndryshme në rajone të ndryshme globale dhe në periudha të mbivendosjes.

Duke përmendur studimin e Panelit të Ekspertëve të UNWTO, raporti thekson se kërkesa e brendshme pritet të rikuperohet më shpejt sesa ajo ndërkombëtare, me shumicën që pret që të shohë shenja të rimëkëmbjes deri në tremujorin e fundit të vitit 2020, por kryesisht në 2021.

Ndikimi i virusit është ndjerë këtë mars me prezantimin e gjerë të kufizimeve të udhëtimit dhe mbylljen e aeroporteve dhe kufijve kombëtarë, duke e shtyrë shifrën e turizmit poshtë 57 për qind nga viti në vit.

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)