20 Janar 2020

Investimet gjermane dhe austriake në Parqet e Kosovës, të rëndësishme për ekonominë

Prishtinë, 14 prill - Kryeministri i Republikës së Kosovës, Ramush Haradinaj, ka pritur në takim një grup investitorësh gjerman, të kryesuar nga profesorët Wolfganf Fricke - Eichenberger dhe Hans Dieter Knapp, për të diskutuar për mundësitë e investimit në Parqet nacionale natyrore të Kosovës.

Kryeministri Haradinaj, shprehu përkushtimin e Qeverisë që ai drejton për të promovuar investime të tilla direkte nga Qeveria Gjermane dhe ajo Austriake, duke e ruajtur natyrën dhe në të njëjtën kohë duke promovuar zhvillimin ekonomik.

“Nismat e tilla janë tejet të nevojshme për vendin. Më shumë sesa vendime të sotme të një qeverie, projektet që promovojnë turizmin, biodiversitetin e natyrës dhe zhvillimin ekonomik, janë projekte që bëjnë bashkë dy popuj dhe me këtë rast jam tejet i lumtur për një bashkëpunim me popullin gjerman dhe austriak”, ka thënë Kryeministri Haradinaj.

Ndërkaq, profesori Wolfganf Fricke – Eichenberger, si një nga themeluesit e konceptit të rezervateve biosferike, pjesë e UNESCO-së, tha se është i kënaqur me gatishmërinë e Qeverisë së Kosovës për një bashkëpunim të kësaj natyre.

Zhvillimi ekonomik duke e ruajtur natyrën dhe florën bimore dhe shtazore, është fokus kryesor i kësaj nisme, e cila do të mbështetet nga Qeveria gjermane dhe ajo austriake dhe për të cilën Kryeministri Haradinaj tregoi gatishmërinë e plotë të vendit, që të jetë pjesë e investimeve të tilla të huaja. 

Kalendari

Ngjarjet e datës 20 janar 2020

- Zyra e BE-së/Përfaqësuesi Special i BE-së në bashkëpunim me Qendrën për Arsim të Kosovës dhe organizatat e tjera joqeveritare, anëtare e “Rrjetit të Kosovës për punësim dhe arsim” do të organizojnë konferencën përfundimtare e cila do të përqendrohet në arsim dhe punësim. (Hoteli Swiss Diamond, ora 9:30)

- Kryetari i Komunës së Prizrenit, Mytaher Haskuka do të mbajë takim me qytetarë, ku do të njoftojë për punën e Komunës së Prizrenit gjatë vitit 2019. (Salla e Kuvendit Komunal në Shtëpinë e Bardhë, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Prishtinës. (Shkollën Model në Prishtinë, ora 11:00)

- Kryetari i Kuvendit të Republikës së Kosovës, Glauk Konjufca, ka thirrur mledhjen e parë të Kryesisë së Kuvendit të Republikës së Kosovës, të Legjislaturës VII. (Ndërtesa e Kuvendit, Salla C 301, ora 11:00)

- Ministri i Drejtësisë, Abelard Tahiri, do të marrë pjesë në Akademinë Përkujtimore, në dy vjetorin e vdekjes së veprimtarit të Çështjes Kombëtare, Jonuz Musliu. (Shtëpia e Kulturës në Bujanoc, ora 13:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Obiliqit. (Shkolla "Ismail Dumoshi" në Obiliq, ora 14:00)

- Hapet ekzposita "Cikël me Peizash" nga piktori Anton Krasniqi. (Kafe Atelie +S, rruga 'Avdyl Frasheri' nr. 42, Prishtinë, ora 19:00)