02 Qershor 2020

Himalaja shihet për herë të parë në Indi pas 30 vjetësh

Punjab, 8 prill - Nivelet e ndotjes në pjesën më të madhe të vendit, i njohur për ndotjen tejet të madhe të ajrit, janë ulur ndjeshëm për shkak të bllokimit të vendit si pasojë e masave për koronavirusin.

Vendasit nga rrethi Jalandhar në Punjab, rreth 20 km larg nga Himalajet, shpërndanë foto në mediat sociale me imazhe mbresëlënëse të maleve të mbuluara nga dëbora.

Ish-lojtari i kriketit indian, Harbhajan Singh tha se tani kishte parë Himalajat nga shtëpia e tij për herë të parë.

Ai paralajmëroi për “treguesin e qartë të ndikimit që ndotja ka pasur në natyrë”.

India ka një popullsi prej rreth 1.4 miliardë njerëz dhe vitin e kaluar kryesoi të dhënat si qytetet më të ndotura në botë.

Por bllokimi i rreptë i 21 ditëve në vend do të thotë që më pak makina dhe biznese janë në veprim, dhe nivelet e ndotjes kanë rënë.

Kalendari

Ngjarjet e datës 2 Qershor 2020 - Mbahet mbledhja e Kryesisë së Kuvendit në të cilën do të shqyrtohet kërkesa e 61 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla  C-301, ora 10:00 - mbledhja do të mbahet pa prezencën e mediave)

- Lëvizja Vetëvendosje nisë mbledhjen e nënshkrimeve për peticion “Duam Zgjedhje” (Sheshi “Nënë Tereza”, ora 10:00)

- Mbahet seanca e tretë e Kuvendit të Komunës së Gjilanit. (Holli i Gjimnazit Natyror “Xhavit Ahmeti” në Gjilan, ora 10:00) 

- Në kuadër të Javës së Gjelbër, Komuna e Prishtinës do të organizojë mbjelljen e drunjëve në lagjen Dardania. (Lagja Dardania, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Komisionit të Pavarur për Miniera dhe Minerale për vitin 2019. (Ndërtesa e Kuvendit, C203, ora 11:00)

- Mbahet mbledhja e Kryesisë së Lidhjes Demokratike të Kosovës ku pas mbledhjes, kryetari i LDK-së, Isa Mustafa mban konferencë për medie. (Selia e LDK-së, ora 16:30)