31 Janar 2023

Gjiri i Kakomesë, një vizion i ri për turizmin shqiptar

Sarandë, 6 prill - Gjiri i Kakomesë, në bregdetin e Jonit, 10 km nga Saranda,  futet rreth 550 metra në brendësi të tokës dhe ka një gjatësi afro 2 kilometra. Nga të dyja anët e gjirit bregdeti lartësohet nga ngritje me lartësi 500-800 metra, që bien thikë mbi det, duke formuar rrëpira, shkëmbinj të zhveshur, kepa shkëmbinjsh mbi ujorë e nën ujorë të veshur me korale, guaska, iriqë e bimësi ujore me forma e ngjyra të ndryshme, me ujë të pastër e të tejdukshëm.   

Shkurret dhe drurët e shumëllojshëm mesdhetarë pleksen me fiq deti, që gati janë të pakalueshëm për njeriun dhe kafshët.    

Gjiri i Kakomesë, pjesë e komunës së Lukovës, një nga perlat e natyrës shqiptare tashmë është pjesë e një investimi të madh. Projekti i firmës franceze “Club Med”, që zbatohet në terren nga firma shqiptare e ndërtimit “Riviera”, planifikon të ndërtojë 350 vila, me kapacitet 700 dhoma për 12 mijë turistë.  Sipas projektit, ky fshat turistik do të jetë një ndër më të bukurit në Mesdhe.   

Burime nga administrata e firmës së ndërtimit “Riviera”, bëjnë të ditur se “300 metra larg bregut janë ngritur 10 godinat e para, ndërsa ka përfunduar rrethimi  i sipërfaqes prej 65 mijë metra katror”.   

“Ky fshat turistik do të ofrojë shërbime cilësore me te gjitha kapacitetet, ku përfshihet transporti, akomodimi, ushqimi, zbavitja etj”, thonë burimet, sipas të cilave- projekti parashikon ndërtimin e shtëpive me gurë, duke ndërthurur traditën vendase me kërkesat për një turizëm elitar”. Fshati turistik i Kakomesë do të jetë funksional gjatë gjithë vitit, duke ofruar një tjetër vizion për turizmin.  

Odise P., banor i komunës së Lukovës thotë se “tashmë ka ardhur koha që ky vend i mrekullueshëm të shfrytëzohet në dobi të turizmit elitar”. “Do të kisha dëshirë që Kakomeja të jetë shembull për zhvillimin e turizmit, pasi ky bregdet ka nevojë të “shkundet” nga mentalitetet e vjetra”, thotë Odiseja 40 vjeçar, sipas të cilit, më të fituar nga ky investim janë banorët e zonës”.   

Gjiri i Kakomesë me origjinë të dyfishtë tektoniko-karstike, ofron një bregdet të mrekullueshëm si dhe gjelbërim gjatë gjithë vitit. Shpresa është ringjallur se kjo zonë e militarizuar gjatë regjimit komunist me godina ushtarake dhe bunkerë pafund do të jetë imazhi i turizmit shqiptar.   

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00