15 Nëntor 2019

Biznesi i hosteleve shënon rritje të ndjeshme në ShBA

Washington, 24 gusht - Qëndrimi në hostele është një mënyrë për të mos shpenzuar shumë gjatë udhëtimeve dhe ka qenë prej kohësh popullor në Europë dhe gjetkë, por tani rezervimet e tyre kanë ardhur duke u shtuar ndjeshëm edhe në SHBA.


Rezervimi i hosteleve në ShBA ka pasur një rritje vjetore njëzet e dy për qind që nga viti 2015, teksa si udhëtarët e rinj, ashtu edhe ata më të vjetër, kërkojnë përvoja të reja.


Hostelet e sotme janë komode, me shtretër privatë, vakte falas dhe internet Wi-fi të pakufizuar. Shumë prej tyre madje ofrojnë dhoma private dhe suita.


Rritja e numrit të hosteleve në ShBA ka qenë më e vogël sesa në pjesën tjetër të botës. Por Netanya Trumboli nga "Hostelling International USA" thotë se fama e tyre po rritet me shpejtësi:


"Unë mendoj se shumë herë njerëzit mendojnë për përvojën jo të mirë të Europës. Gjatë 10 - 20 vjetëve të fundit gjërat vërtet kanë ndryshuar, kështu që mund të shohësh shumë më tepër lehtësira në hostele. Në Amerikë ne përpiqemi ta tejkalojmë njëri-tjetrin me moton: 'Oh , ju e keni këtë? Epo edhe ne do ta kemi.' Kështu që mendoj se standardi ka ardhur duke u rritur përgjatë viteve."


Por epoka moderne e hosteleve nuk ka ndikuar mbi përvojën e veçantë të bashkëjetesës për të cilën ato janë të njohura.


Mark Schneider, menaxher në HI Hostel në zonën qendrore të Uashingtonit, thotë se janë veprimtaritë shtesë shoqërore, si shëtitjet dhe darkat tematike, ato që e bëjnë ndryshimin për mysafirët:


"Kur krijojmë mjedisin e rehatshëm, që të grish, kjo ndihmon në magjinë e hosteleve. Pra, ky është një shkëmbim ndërkulturor e njerëzit bëjnë miq – qoftë kjo për një ditë, një javë, ose ndonjëherë edhe për gjithë jetën."   

Kalendari

Ngjarjet e datës 15 nëntor 2019 - Klinika e Neonatologjisë dhe Shoqata e Neonatologëve të Kosovës, organizojnë Konferencën e I-rë nderkombëtare. (Hotel Garden, ora 9:00)

- Policia e Kosovës në shënim të ditës botërore të përkujtimit të viktimave në trafikun rrugor, në bashkëpunim me Këshillin e Sigurisë në Trafikun Rrugor dhe me Shoqatën e Sigurimeve , do të mbaj tryezë për shënimin e kësaj dite. (Salla Orion në Prishtinë në afërsi të Kino ABC, ora 9:30)

- Ministria e Arsimit, Shkencës dhe Teknologjisë organizon tryezën dhe punëtorinë me temën “Status quo e Zhvillimit të Kërkimit dhe Inovacionit në Kosovë: Ide rreth së ardhmes së K&I në Kosovë”, mbështetur nga Projekti HERAS i cili përkrahet nga Qeveria e Austrisë. (Hotel Sirius, ora 9:30)

- Komisioni i Pavarur për Miniera dhe Minerale mban punëtorinë lidhur me “Udhëzuesin për miradministrimin e aktiviteteve minerare dhe mjedisore. (Hotel Amazona, ora 10:00)

- Programi i Kombeve të Bashkuara për Zhvillim në Kosovë, përmes projektit Interdev 2, organizon një panair me shoqatat e grave prodhuese për të shënuar Ditën Ndërkombëtare të Sipërmarrësisë së Grave. (Qendra Kulturore në Viti, ora 11:00)

- Ministria e Mbrojtjes organizon ceremoninë e certifikimit të rekrutëve të rinj të FSK-së, gjenerata e dytë 2019. (Kazerma 'Adem Jashari' në Komandën e Forcave Tokësore në Prishtinë, ora 11:00)

- Komuniteti artistik organizon takim përkujtimor për regjisoren Arzana Kraja. (Teatri Kombëtar, ora 12:00)

- Organizata ETEA dhe Kuvendi i të Rinjve të Prishtinës organizon ceremoninë e hapjes të minibibliotekës së lagjes Ulpiana. (Te fontana në lagjen Ulpiana, ora 12:00).

- Ministri i MMPH-së, Fatmir Matoshi, do të nënshkruajë gjashtë Udhëzime Administrative që avancojne fushën e kadastrës dhe regjistrimit të pronës. (Zyret e Agjencisë Kadastrale të Kosoves, ndërtesa e Arkivit të Kosovës, ora 14:00)

- Kryetari i Gjykatës Themelore në Gjilan, Ramiz Azizi, do të mbajë një konferencë për media në të cilën do të prezantohet raporti nga muaji korrik deri në muajin tetor për Gjykatën Themelore të Gjilanit, së bashku me Degët e saja. (Gjykata Themelore Gjilan, ora 14:30)

- Mbahet marsh përkujtimor në këmbë nga Lagja Arbëria, rrugës Fehmi Agani deri te Teatri Kombëtar ku do të bëhet ndezja e qirinjve në përkujtim të viktimave që kanë humbur jetën në aksidente në trafikun rrugor. (Kolegji i Shkencave të Aplikuara Teknike “Tempulli”, ora 18:00)

- Mbahet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- Galeria e Ministrisë së Kulturës organizn hapjen e ekspozitës individuale të autores Lumjetë Havolli, e titulluar "Is This Me...Or i Do it For You Only!?". (Galeria e Ministrisë së Kulturës, ora 19:00)

- Qendra për Informim dhe Përmirësim Social feston hapjen e Linjës telefonike për parandalim të vetëvrasjes "Linja e Jetës" në Kosovë! (Menza Ramiz Sadiku, ora 21:00)