29 Shtator 2020

BE nis hapjen graduale për të shpëtuar një pjesë të sezonit të pushimeve verore

Bruksel, 14 maj - Bashkimi Evropian ka rinisur hapjen e madhe me masa graduale pas bllokimeve të forta kundër përhapjes së koronavirusit, duke nisur me hapjen e kufijve të brendshëm të bllokut, për të shpëtuar të paktën një pjesë të sezonit të pushimeve verore.

Hoteleve, restoranteve dhe plazheve në të gjithë Evropën po u kërkohet të zbatojnë distancimin shoqëror për vizitorët, duke përfshirë prenotimin e shezlongëve në pishina dhe mbajtjen e radhës 1,5 metra larg në bufetë e ushqimit.

Komisioni Evropian bëri thirrje të mërkurën për një lehtësim të kujdesshëm të kufizimeve dhe zbuloi udhëzimet, duke filluar nga mbajtja e maskave të fytyrës në avionë dhe trena, deri tek mbajtja e distancës fizike në plazh dhe në hotele.

“Kjo nuk do të jetë një verë normale, për asnjë nga ne”, tha nënkryetarja e Komisionit Evropian, Margrethe Vestager. Ajo u bëri thirrje qeverive dhe bizneseve të ndjekin rekomandimet e Brukselit në mënyrë që “të mos kemi nevojë të qëndrojmë të mbërthyer në shtëpi në verë, ose të humbasim plotësisht industrinë turistike verore evropiane”.

Vendet të cilësohen me pak raste Covid-19, si Greqia dhe Kroacia do të nisin këto javë të hapin korridore preferenciale të turizmit me vendet e tjera, përfshirë Gjermaninë, e cila është më pak e goditur nga virusi. Italia dhe Spanja mbeten jashtë këtyre korridoreve. Korsitë e privilegjuara të turizmit do të ketë garanci, si një pasaportë që vërteton negativitetin e infektimit dhe janë të destinuara të rivijëzojnë hartën e zonave ku mund të shkohet për turizëm apo jo.

Italia dhe Spanja, si vendet më të prekura në BE, janë shumë të limituara për turizëm dhe po ashtu edhe qytetarët e tyre për të bërë pushime jashtë. Kryeministri grek, Kyriakos Mistotakis ka organizuar videokonferenca të shumta me homologët në Australi, Norvegji, Austri, Bullgari, Danimarkë, Republikën Çeke dhe Singaporin për të studiuar në mënyrë bilaterale rregullat mbi pritjet në hotel dhe “pasaportat sanitare”.

Hoteleve iu kërkohet të marrin në konsideratë mundësinë që vizitorët të rezervojnë shezlongët në pishinë, palestër ose restorant. Hapësira të mëdha publike si bufetë, duhet të sigurojnë që vizitorët që nuk janë në të njëjtën familje, të qëndrojnë të paktën 1.5 metra larg, ndërsa ngjarjet e mëdha si koncertet nuk lejohen.

Vizitorët duhet të këshillohen për “etiketën e frymëmarrjes”, domethënë teshtimë ose kollitje në shami ose bërryl të përkulur, dhe të kenë kujtesa për të larë shpesh duart e tyre. Hotelet gjithashtu pritet të mbajnë shënimet e adresave të vizitorëve për të mundësuar gjurmimin e kontakteve në rast të një shpërthimi të koronavirusit. Udhëzimet jo-detyruese janë një përpjekje për të lehtësuar një rënie të udhëtimeve që ka zbrazur plazhet e Evropës dhe sheshet e turistëve që nga mesi i marsit, duke kërcënuar miliona vende pune në një sektor që përbën 10 për qind të ekonomisë së bllokut europian.

“Udhëzimi i ri mund të jetë shansi për një sezon më të mirë për shumë evropianë, jetesa e të cilëve varet nga turizmi dhe natyrisht për ata që dëshirojnë të udhëtojnë këtë verë”, tha Vestager.

Udhëtarëve iu kërkohet të mbajnë maska për fytyrën në të gjitha mënyrat e transportit si dhe në aeroporte dhe stacione, dhe punëtorët e transportit të mbajnë maska dhe doreza. Autobusët, trenat dhe tragetet inkurajohen të lëvizin me më pak njerëz, megjithëse linjat ajrore nuk do t’ju kërkohet të lënë vendet e mesme bosh. Gjermania të mërkurën njoftoi se do të ndalojë kontrollet e hyrjes në kufijtë e saj me vendet anëtare të BE-së nga kjo fundjavë, por Spanja, një nga destinacionet më të mëdha turistike të kontinentit, tha që hapja e kufijve të saj mund të presë deri në korrik.

Spanja do të imponojë një karantinë dyjavore për të gjithë udhëtarët që vijnë nga jashtë. Vendimet për rihapjen e kufijve janë përgjegjësi e qeverive kombëtare, por komisioni u bëri thirrje 27 vendeve anëtare që të koordinojnë heqjen e kufizimeve të tyre në disa faza, duke filluar nga vendet me nivele të ulëta të koronavirusit.

Tre shtete baltike, Estonia, Letonia dhe Lituania do të rihapin kufijtë ndaj qytetarëve të njëri-tjetrit, duke krijuar një “flluskë udhëtimi”, nga 15 maji. Kufijtë e jashtëm të BE do të mbeten të mbyllura për udhëtime jothelbësore, të paktën në mes të qershorit.

Kalendari

Ngjarjet e datës 29 Shtator 2020

- Ambasadori Tomash Sunjog, Shef i Zyrës së Bashkimit Evropian në Kosovë do ta zhvillojë një vizitë në Mitrovicë ku do te takohet me Kryetarin e Komunës së Mitrovicës së Jugut. (Zyra e Kryetarit të Komunës se Mitrovicës së Jugut, ora 8:55 - mundësi fotografie)

- Kryeministri Avdullah Hoti pret në takim përpunuesit e qumështit. (Ndërtesa e Qeverisë, ora 9:00)

- Kryeministri i Republikës së Kosovës, Avdullah Hoti bashkë me Ministrin e Bujqësisë, Pylltarisë dhe Zhvillimit Rural, Besian Mustafa si dhe Ministrin e Tregtisë dhe Industrisë, Vesel Krasniqi do të mbajnë konferencë bashkë me përfaqësuesit e sektorit të qumështit. (Ndërtesa e Qeverisë, ora 9:30)

- Ambasadori Tomash Sunjog, Shef i Zyrës së Bashkimit Evropian në Kosovë do ta zhvillojë një vizitë në veri të Kosovës. (Ndërtesa e komunës së Mitrovicës së Veriut, ora 9:55 - mundësi fotografie)

- Mbahet mbledhja e komisionit për Mbikëqyrjen e Financave Publike në të cilën so të behët shqyrtimi i Raportit të Auditimit për Ministrinë e Punës dhe Mirëqenies Sociale, Ministrinë e Tregëtisë dhe Industrisë dhe Ministrinë për Komunitete dhe Kthim. (Ndërtesa e Kuvendit, salla N302, ora 10:00)

- Banka Qendrore e Republikës së Kosovës, organizon konferencë për media me rastin e shpalosjes së koleksionit të Librave të Edukimit Financiar për nxënësit e shkollave fillore klasat 1-5 të arsimit fillor, si dhe ceremoninë e nënshkrimit të MOU-së mes BQK-së dhe MASH-it për përfshirjen e edukimit financiar në kurrikulën shkollore. (Objekti i BQK-së, ora 10:00)

- Mbahet seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, ora 10:00)

- Bëhet promovimi i librit “Çelësi i suksesit në karrierë dhe zhvillim të personalitetit është aftësia gjuhësore” me autorë Manfred G. Raupp, Dardan Velija dhe Peter Hartman. (Rektoratin e Universitetit të Prishtinës “Hasan Prishtina', ora 10:00)

- Mbahet mbledhja e nëntë e rregullt e Kuvendit Komunal të Rahovecit. (Salla e mbledhjeve të Kuvendit Komunal, në objektin e ri të komunës, ora 10:00)

- Ambasadori Tomash Sunjog, Shef i Zyrës së Bashkimit Evropian në Kosovë mban konferencë për shtyp. (Shtëpia e Evropës, Mitrovica e Veriut, ora 11:15)

- Institucioni i Avokatit të Popullit organizon dorëzim - pranimin e detyrës nga Avokati i deritanishëm i Popullit, Hilmi Jashari tek Avokati i ri i Popullit, Naim Qelaj. (Zyra qendrore e Institucionit të Avokatit të Popullit, ora 11:00)

- Ambasadori Tomash Sunjog, Shef i Zyrës së Bashkimit Evropian në Kosovë viziton kampusin e IBCM në veri. (Kampusi IBCM në veri, ora 11:40 - mundësi fotografie)

- Me rastin e shënimit të Ditës Botërore të Zemrës, kryetari i Komunës së Prizrenit, Mytaher Haskuka, do të merr pjesë në aktivitetin sensibilizues, të organizuar nga Drejtoria e Shëndetësisë dhe QKMF në bashkëpunim me IRSHP. (Sheshi i Lidhjes në Prizren, ora 12:00)

- Partia Demokratike e Kosovës mban konferencë për media. (Selia Qendrore, ora 12:00)

- Mbahet mbledhja e komisionit për të Drejtat dhe Interesat e Komuniteteve dhe Kthim në të cilën do të behët rishqyrtimi i Planit të Punës së Komisionit. (Ndërtesa e Kuvendit, salla N303, ora 12:00)

- Ambasadori Tomash Sunjog, Shef i Zyrës së Bashkimit Evropian në Kosovë viziton në hallën e sporteve të Mitrovicës së Veriut. (Halla e sporteve, Mitrovica e Veriut. ora 12:25 - mundësi fotografie)

- Me rastin e shënimit të “Javës së Rinisë”, kryetari i Komunës së Prizrenit, Mytaher Haskuka do të merr pjesë në aktivitetin e organizuar nga Drejtoria për Kulturë, Rini dhe Sport,  ku do të bëhet shpërndarja e broshurave vetëdijesuese “Vendose Maskën dhe Festo”. (Sheshi "Shatërvan" në Prizren, ora 12:30)

-  Komisioni për Bujqësi, Pylltari, zhvillim Rural, Infrastrukturë dhe Mjedis shqyrton në parim i Projektligjin për ndryshim plotësimin e Ligjit për Automjete. (Ndërtesa e Kuvendit, salla N302, ora 13:00)

- Qumshtarët e Kosovës do të mbajnë protestë, duke parakaluar me cisterna të qumështit nga parkingu i Pallatit të Rinisë, nëpër rrugën Garibaldi, perskaj Katedrales, tek Menza e Studentëve e deri tek Qeveria e Kosovës. (Parkingu i Pallatit të Rinisë, ora 13:00)

- Ministrja e Kulturës, Rinisë e Sportit, Vlora Dumoshi raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 13:00)

- Ministri i Drejtësisë Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit lidhur me Projekt Kodin Civil të Republikës së Kosovë dhe  i Projektligjit për Tokën Ndërtimore. (Ndërtesa e Kuvendit, salla C203, ora 13:00)

- Ushtrues i Detyrës së Inspektoratit Policor Kushtrim Hodaj raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N225, ora 13:00)

-  Komisioni për Qeverisje Lokale, Administratë Publike, Zhvillim Rajonal dhe Media shqyrton në parim i Projektligjit për ndryshimin dhe plotësimin e Ligjit për Festat Zyrtare dhe hqyrtimi i ndryshimit dhe plotësimit të Ligjit për Zyrtarët Publik, sipas Aktgjykimit të Gjykatës Kushtetuese. (Ndërtesa e Kuvendit, salla C301, ora 13:00)

- Ministri i Ekonomisë dhe Ambientit, Blerim Kuçi zhvillon vizitë në Komunen e Vitisë. (Kabineti i Kryetarit të Vitisë, ora 13:30)

- Qumështarët e Kosovës do të mbajnë një konferencë për shtyp për të shpjeguar kërkesat e tyre dhe veprimet e mëtutjeshme. (Tek Qeveria e Kosovës, ora 14:00)

- Ministri i Ekonomisë dhe Ambientit, Blerim Kuçi viziton punimet në lumin "Morava e Binqes". (Viti, ora 14:10)

- Në Gjykaten e Dhomave të Specializuara të Kosovës në Hagë do të mbahet paraqitja e parë e Nasim Haradinajt. (https://www.scp-ks.org/sq/transmetimora, ora 15:00)