30 Janar 2023

Antalia theu rekord turistësh në 2019

Antali, 2 janar -  Numri i turistëve që erdhën vitin e kaluar në Antalie me rrugë ajrore, detare dhe tokësore është 15 milionë e 644 mijë e 108, duke thyer rekordin e të gjitha kohërave.

Prefekti i Antalies, Mynir Karallollu (Münir Karaloğlu) në një postim që ka bërë në llogarinë e tij të medias sociale thotë se turizmi në Antalie ka regjistruar rritje të përmasave të rëndësishme në vitin 2019.

“Në vitin 2019 në qytet kanë ardhur 15 milionë e 644 mijë e 108 turistë, të cilët krahas aeroporteve të Antalies dhe Gazipasa (Alanya) kanë ardhur edhe me rrugë tokësore dhe detare. Turizmi i Antalies do të vazhdojë të rritet edhe në vitin 2020”,- shkruan prefekti Karallollu dhe përgëzon të gjithë ata që kanë kontribuar në arritjen e këtij suksesi.

Numrin më të madh të turistëve qyteti e kishte shënuar në vitin 2018 me 13 milionë e 642 mijë.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)