20 Shtator 2019

Antalia do të presë këtë vit 5 milionë turistë rusë dhe ukrainas

Antalia, 31 prill - Antalia, zemra e turizmit veror të Turqisë, do të presë këtë vit 3,5 milionë turistë rusë dhe 1,5 milionë turistë ukrainas.

Presidenti i Shoqatës turke të Menaxherëve Profesionistë të Hoteleve (PYOD), Hakan Duran, deklaroi të enjten se në Antalia ka filluar një lëvizje serioze e turistëve rusë dhe në 2 muajt e parë të 2017-s është regjistruar një rritje me gati 3.500 për qind në krahasim me të njëjtën periudhë të vitit të kaluar.

Duke sqaruar se në tregun rus janë barazuar shifrat e vitit 2015, madje dhe po vërehet një tendencë për të arritur të dhënat rekord të 2014-s, Hakan Duran shprehu bindjen se Antalia do të presë këtë vit të paktën 3,5 milionë turistë rusë.

Ai vuri në pah se një rritje e konsiderueshme është regjistruar gjithashtu në numrin e turistëve nga Kazakistani, Turkmenia dhe Azerbajxhani.

Pasi tërhoqi vëmendjen mbi rëndësinë e udhëtimit me kartë identiteti ndërmjet Ukrainës dhe Turqisë, presidenti i Shoqatës së Menaxherëve Profesionistë të Hoteleve nënvizoi se numri i turistëve ukrainas në Antalia për këtë vit pritet të jetë mbi 1,5 milionë, ndërkohë që në 2016-n u regjistruan pak më shumë se 1 milion vizitorë nga Ukraina.

Hakan Duran potencoi se rezervimet e hershme, përveçse garantojnë një avantazh shumë të madh dhe rrisin ndjeshëm dinamikën e turizmit të brendshëm, ofrojnë gjithashtu mundësinë për të bërë pushime deri në 50 për qind më të lira.

“Një tjetër avantazh i rëndësishëm është pagesa me këste përmes kartës së kreditit. Vitin e kaluar, në Antalia pushuan rreth 7 milionë persona vetëm nga turizmi i brendshëm. Këtë vitit pritet një rritje me të paktën 15 për qind dhe kjo nënkupton se shifra e përgjithshme do të jetë mbi 8 milionë turistë vendorë”, përfundoi ai.

Kalendari

Ngjarjet e datës 20 shtator 2019 - Shoqata për Dëme të Luftës “Ngritja e Zërit“, dorëzon në Gjykatën Kushtetuese për herë të gjashtë dosjet e radhës për kompensimin e dëmeve të luftës, respektivisht kërkesat, për vlerësimin e kushtetutshmërisë së aktvendimeve të Gjykatës Supreme të Kosovës. (Gjykata Kushtetuese, ora 9:00)

- Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Kryetari i Lëvizjes Vetëvendosje!, Albin Kurti merr pjesë në përvjetorin e TV Mitrovica. (Mitrovicë, ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me rininë e LDK-së në Gjilan. (Shtëpia e Rinisë, Gjilan, ora 16:30)

- Kryetari i Lëvizjes Vetëvendosje!, Albin Kurti mbanë tubim në Gushavc. (fshati Gushavc, Mitrovicë, ora 17:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me gratë e Gjilanit. (Teatri e qytetit, ora 17:30)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

-  Kryetari i Lëvizjes Vetëvendosje!, Albin Kurti mbanë tubim në Zhabar. (fshati Zhabar, Mitrovicë, ora 18:00)

-  Kryetari i Lëvizjes Vetëvendosje!, Albin Kurti mbanë tubim mobilizues. (Mitrovicë, ora 19:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)

- Kryetari i Lëvizjes Vetëvendosje!, Albin Kurti mbanë tubim në Vushtrri. (Vushtrri, ora 21:00)