10 Prill 2020

Wall street hapet në territor pozitiv

New York, 29 mars - Wall Street është hapur në territor pozitiv në ditën e parë të punës për këtë javë i ndikuar nga disa të dhëna ekonomike, ndërsa shumica e bursave europiane janë kthyer në territor negativ.

Indeksi i shpenzimeve të konsumatorit është rritur me 0,3% në muajin shkurt konform edhe parashikimeve të analistëve. Ky është muaji i pestë me radhë që ky indeks shënon rritje.

 

Ndërsa të ardhurat personale kanë mbetur të pandryshuara në krahasim me janarin, ndërsa tregu parashikonte një rritje të lehtë prej 0,1%. Gjithashtu më vonë gjatë ditës do të publikohen edhe të dhënat mbi punësimin për javën e kaluar.

Përsa i përket vlerave që mund të jenë në fokus të investitorëve, aksionet e konstruktorit të automjeteve FORD, shënuan një rritje prej 1,5%, para hapjes së Wall Street, pas akordit që Ford arriti me kompaninë kineze Zhejiang Geely Holding mbi blerjen e aksioneve të Volvos. Ford deklaroi se traksaksioni kushtoi 1,8 milliard dollarë ndërsa do të përfundohet në tremujorin e tretë të këtij viti.

Thesari amerikan ka zgjedhur bankën Morgan Stanley si këshilluese për të shitur 25% të kapitalit që shteti amerikan zotëron te CitiGroup. Në mbyllje të bursës ditën e premte një aksion i Citigroup, vlente 4,31 dollarë, ndërsa një aksion i Morgan Stanley 28,85 dollarë.

Ndërkohë kompania BEST BUY, e specializuar në shitjet online deklaroi se në maj do të hapë revistën e parë në Britaninë e Madhe, pak më vone se ç’ishte parashikuar më parë. Para hapjes së Wall Street një aksion i Best Buy vlente 43,16 dollarë.
Ndërkaq shumica e bursave europiane janë kthyer në territor negativ, gjatë tregtisë së pasdites, ndërsa bankat kanë humbur sërisht fitimet e paraditës.

Disa momente më parë indeksi Paneuropian FTSEurofirst 300 shënonte një rënie prej 0,2%, ndërsa është në tendencë rritje për shkak të çmimeve në rritje të metaleve dhe mineraleve. Ndërsa kompanitë e naftës kanë shënuar fitime modeste, pas humbjeve të sesionit të kaluar. BP, Royal Dutch Shell, BG, Total dhe ENI kanë fituar nga 0.3 deri në 1.2% të vlerës. Sektori bankar me Barclays, HSBC, Societe Generale, BNP Paribas dhe Deutsche Bank ranë nga 0.3 deri në 0.8%. Kompanitë minerare si Anglo American, Kazakmys, BHP Billiton, Xstrata dhe Rio Tinto u rritën nga 0.6 deri në 1%.

/Scan TV/

Kalendari

Ngjarjet e datës 9 Prill 2020

- Kryetari i Komunës së Prizrenit, Mytaher Haskuka, do ta pret në takim Kryeministrin në detyrë të Republikës së Kosovës, Albin Kurti, për të diskutuar lidhur me situatën aktuale të krijuar nga pandemia COVID-19. (Shtëpia e Bardhë, ora 10:30)

- Shkolla Finlandeze organizon Konferencën Virtuale “Si të regjistroheni në universitetet më të mira në botë” e hapur për të gjithë nxënësit në Kosovë. (Google Meet, ora 14:00)

- Komuna e Prishtinës promovon tunelin dezinfektues, i vendosur si masë shtesë për parandalimin e përhapjes së COVID 19. (Oborri i Qendrës Kryesore të Mjekësisë Familjare, ora 14:30)

- Studentët e arteve të AAB-së, sjellin ekspozitën e parë virtuale të studentëve në Kosovë. (Transmetim live në faqen e Kolegjit AAB në facebook, ora 17:30)