11 Korrik 2020

Vazhdojnë negociatat tregëtare SHBA - Kinë

Pekin, 18 janar - Zëvendës kryeministri kinez Liu Hë, pritet të udhëtojë drejt Shteteve të Bashkuara këtë muaj për raundin e dytë të negociatave që synojnë zgjidhjen e luftës tregtare mes gjigantëve ekonomikë botërorë.

Zëdhënësi i ministrisë së Tregtisë Gao Feng u tha gazetarëve në Pekin se Liu Hë do të vizitojë Washingtonin nga 30 deri në 31 janar.

Ai është ftuar nga sekretari amerikan i Thesarit Steven Mnuchin dhe përfaqësuesi i Tregtisë Robert Lighthizer.

Negociatorët amerikanë u shprehën optimistë pas raundit të parë të bisedimeve të zhvilluara në Pekin javën e kaluar se palët do të arrijnë t’i zgjidhnin mosmarrëveshjet lidhur me tarifat që kanë tronditur tregjet globale.

Bisedimet tregtare vijnë si rezultat i një marrëveshje të arritur muajin e kaluar mes Presidentit Trump dhe atij kinez Xi Jinping për të pezulluar tarifat ndërmjet dy vendeve për 90 ditë, duke filluar prej vitit të ri.

Nëse nuk arrihet asnjë marrëveshje deri më 2 mars, tarifat amerikane ndaj mallrave kineze me vlerë prej 200 miliardë dollarësh, do të rriten nga 10 në 25 për qind.

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)