24 Shtator 2018

USAID-i vazhdon mbështetjen për Ministrinë e Tregtisë dhe Industrisë

Prishtinë, 12 mars - Ministri i Tregtisë dhe Industrisë, Bajram Hasani, ka prezantuar prioritetet e institucionit që ai e udhëheq në takim që ka pritur përfaqësuesen e USAID-it, Lee Sara Williams.

Hasani e ka vlerësuar lartë ndihmën e popullit amerikan për Kosovën, duke theksuar se mbetet i përkushtuar që ta vazhdojë bashkëpunimin e ngushtë me USAID-in.

“Natyrisht ne kemi një bashkëpunim të mirë me USAID-in dhe jemi duke i implementuar disa projekte që i kemi në proces dhe kemi kërkesa për të ardhmen për të bashkëpunuar në fusha të rëndësishme”, ka thënë Hasani.

Ministri Hasani ka treguar se janë disa projekte aktuale që USAID-i është duke i mbështetur, si në përgatitjen e ligjit për Shoqëri Tregtare, në kuadër të reformave në të bërit biznes.

Hasani e ka informuar përfaqësuesen e USAID-it se objektivë e Ministrisë së Tregtisë dhe Industrisë është anëtarësimi në Organizatën Botërore të Tregtisë.

 “Jemi po ashtu duke hartuar draft-ligjin për reformën e inspektimeve dhe në kuadër të saj jemi duke bërë fuzionomini e inspektorateve. Tek politikat tregtare,  objektivë e jonë është anëtarësimi  në Organizatën Botërore të Tregtisë si dhe përgatitja e ligjit të ri për rregullimin e tregtisë së brendshme”, ka thënë Hasani.

Ndërsa, Williams ka theksuar se Kosova ka bërë përparim në fushën e të bërit biznes, duke shprehur gatishmëri për të ofruar mbështetje edhe më tutje. Sipas saj, USAID është institucion që do ta mbështesë në vazhdimësi MTI-në.

“Ne jemi këtu për të ndihmuar për projektet e së ardhmes”, ka thënë Williams.
 

Kalendari

Ngajrjet e datës 24 shtator 2018

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Projektligjit për Transmetuesin Publik të Kosovës, shqyrtimi i Projektligjit për Pagat në Sektorin Publik, etj. (Ndërtesa e Kuvendit, salla N204, ora 10:00)


- Misioni i OSBE-së do të publikojë dy raporte që kanë të bëjnë me legjislacionin dygjuhësh dhe respektimin e të drejtave gjuhësore në Policinë e Kosovës, në kuadër të aktiviteteve të shumta për shënimin e Ditës Evropiane të Gjuhëve. (Swiss Diamond Hotel, ora 10:30)

- Grupi për Studime Juridike dhe Politike organizon tryezën e Diskutimit me temë "Monitorimi i Planit Strategjik të KPK-së: Ku po qëndron sistemi prokurorial në luftën kundër korrupsionit dhe krimit ekonomik?". (Hotelin Swiss Diamond, ora 10:30)

- Në kuadër të Javës së Sportit Evripian Federate e çiklizimit te Kosovës organizon garën e hapur çiklistike për të gjitha kategoritë dhe grupmoshat nga 20 deri 100 km. (Gjilan, ora 11:00)

- Ministri i Arsimit, Shkencës dhe Teknologjisë, Shyqiri Bytyqi do të shoqëroj Drejtoreshën e Korpusit të Paqës, Dr. Darlene Grant, gjatë vizitës ku ata do të përcjellin një Vullnetare të Korpusit të Paqës në punë në shkollën e saj në një fshat të Kosovës. (Shkolla fillore “Nëna Tereza”, fshati Vranidoll, ora 11:15)

- Organizata ETEA, në bashkëpunim me Komunën e Prishtinës, do ta organizojë “Ditën e Librit të Ndaluar” me temën “Librat digjen, (por) idetë jo”, si përgjigje ndaj cenzurës, me theks të veçantë te cenzurimi i librave. (Sheshi “Zahir Pajaziti”, ora 12:00)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për ratifikimin e Marrëveshjes për sigurime sociale ndërmjet Republikës së Kosovës dhe Konfederatës së Zvicrës, ndërmjet Republikës së Kosovës dhe Mbretërisë së Belgjikës. (Ndërtesa e Kuvendit, salla N 302, ora 13:00)

- Ministri i Financave Bedri Hamza dhe drejtoresha për Eksport në UniCredit Bank Austria AG Sabina Eder do të nënshkruajnë marrëveshjen për kredi në vlerë prej 5.349 milionë euro për financimin e projektit të trajtimit të ujërave të zeza në Komunën e Podujevës. (Ndërtesa e  Qeverisë, kati 11, ora 15:00)

- Mbahet diskutim i hapur me shkrimtarin dhe publicistin Veton Surroi mbi temën “Librat digjen, (por) idetë jo” me moderim nga Liridona Sijarina. (Lapidariumi i Muzeut Kombëtar të Kosovës, ora 15:00)

- Anëtarët e Komisionit për të Drejtat e Njeriut, Barazi Gjinore, për Persona të Pagjetur dhe Peticione takohen me Robert Gajda, Komisioner për Mbrojtjen nga Diskriminimi në Republikën e Shqipërisë.  (Ndërtesa e Kuvendit, salla N 302, ora 15:00)

- Organizohet shfaqja e filmit “Fahrenheit 451” në bashkëpunim me “Film n’park”. (Parku i Qytetit të Prishtinës, ora 19:00)