14 Dhjetor 2018

Unionit i prodhuesve shqiptarë kërkon një treg të përbashkët

Prishtinë, 11 janar - Klubi i Prodhuesve të Kosovës (KPK), sot pas një takimi që mbajtën me përfaqësuesit e prodhuesve nga Shqipëria dhe Maqedonia bënë të ditur në një konferencë edhe qëndrimet e tyre pas deklarimeve të fundit rreth marrëdhënieve tregtare Shqipëri – Kosovë.

Në këtë konferencë përfaqësuesit e bizneseve kanë deklaruar se nuk kanë qëllime të cilat rrezikojnë bashkëpunimin apo pengojnë unifikimin e tregut të përbashkët, përkundrazi ata janë të gatshëm që në të ardhmen të vazhdojnë bashkëpunimin.

Astrit Shabani nga Klubit të Prodhuesve ka thënë se ashtu sikurse arti edhe ekonomia të jetë një treg i lirë dhe i hapur. “Kërkojmë nga qeveritë tona të krijohet një treg i hapur dhe të hiqen të gjitha pengesat apo barrierat për ekonominë e përbashkët.” deklaroi Shabani. 

Ai po ashtu kërkojë që raportimet në media të jenë të jetë i matur dhe të shmanget keqinformimi i qytetareve.

Ndërsa Bardhyl Baltëza tha se Unioni i Prodhuesve Shqiptare  kanë propozuar prej kohesh të bëjë unifikimin e ekonomisë shqiptare. “Jemi ne promotorët para qeverive tona për ta shtyre përpara ketë proces.  Jemi një komb, të cilët duhet të ndërtojmë një ekonomi komplementare dhe të ndihmojmë njëri tjetrin”, ka thënë ai.

Përfaqësues të prodhuesve po ashtu pohuan se janë për një treg ballkanik, por me një kusht që të ketë një studim se si dhe kur të hapet ky treg ndërmjet Kosovës dhe Shqipërisë, në mënyrë që të përfitojnë të gjithë. Përfaqësuesit treguan që janë të gatshëm të ndihmojnë në unifikimin e tregut në të gjitha mënyrat që kërkohet prej tyre.

Kalendari

Ngjarjet e datës 14 dhjetor 2018 - Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Instituti D4D organizon hapjen zyrtare të projektit “Rritja e qasjes së grave në punësim”. (Restorant Tartine Deli, Prishtinë, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Mbahet ceremonia e përurimit të shtëpisë për familjen skamnore në fshatin Livoç. (Fshati Livoç, ora 10:30)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)