22 Tetor 2021

Tregu i automjeteve të pasagjerëve në BE regjistroi rritje prej 11.2 për qind

Bruksel, 17 shtator - Shoqata Evropiane e Prodhuesve të Automjeteve (ACEA) ka bërë të ditur se tregu i automjeteve të pasagjerëve në Bashkimin Evropian regjistroi rritje prej 11.2 për qind në tetë muajt e parë të vitit 2021 në krahasim me të njëjtën periudhë të vitit të kaluar.

Regjistrimet e automjeteve në bllokun prej 27 anëtarësh ishin 6.8 milionë njësi në periudhën janar-gusht, tha ACEA në një deklaratë.

"Megjithë performancën e dobët të tregjeve të BE-së gjatë muajve të verës, fitimet e konsiderueshme në fillim të vitit mbajtën rritjen kumulative në zonën pozitive", thuhet më tej.

Pothuajse të gjitha tregjet e BE-së shënuan rezultate pozitive në periudhën tetë mujore. Greqia shënoi rritjen më të fortë me 41.9 për qind e ndjekur nga Kroacia (36.7 për qind) dhe Italia (30.9 për qind).

Ndër shitjet e grupeve prodhuese në BE, ngritjen më të madhe postuan Hyundai Group, pronar i markave Kia dhe Hyundai si dhe Toyota Group, Toyota dhe Lexus, të dyja me një rritje prej 26.1 për qind.

Mitsubishi, Honda, Renault Group (Renault, Dacia, Alpine, Lada), Nissan dhe Ford postuan shifra negative në periudhën tetë mujore.

Muajin e kaluar, shitjet e automjeteve regjistruan një rënie prej 19.1 për qind në 622.993 njësi.

"Tregjet më të mëdha të automjeteve regjistruan rënie dyshifrore: Spanja (-28.9 për qind), Italia (-27.3 për qind), Gjermania (-23.0 për qind) dhe Franca (-15.0 për qind)", bëri të ditur ACEA.

BE-ja është tregu kryesor i eksportit të automojeteve për Turqinë, ku prodhohen automjetet kryesore ndërkombëtare: Ford, Honda, Hyundai, Mercedes, Renault dhe Toyota.

Kalendari

Ngjarjet e datës 22 Tetor 2021

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me shoqaten e Familjeve të Heronjve dhe Dëshmorëve të Kombit për zgjidhjen e statusit të veprimtarëve invalidëve të plagosur para luftës çlirimtare në Kosovë. (Ndërtesa e Kuvendit, salla N10, ora 10:00)

- Shoqata për Teknologji të Informacionit dhe Komunikimit të Kosovës - STIKK organizon edicionin e 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Instituti Demokratik i Kosovës organizon konferencën “Ndikimi i dialogut me Serbinë në politikën e jashtme të Kosovës”. (Hotel Emerald, ora 10:30)

-  Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla C203, ora 11:00)

- Ministria e Mbrojtjës organizon ceremoninë e betimit të rekrutëve të rijnë. (Kazerma e FSK-së “Skënderbeu” në Ferizaj, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit miraton listën e ngushtë të kandidatëve për Drejtor të Agjencisë Kundër Korrupsionit. (Ndërtesa e Kuvendit, salla N204, ora 14:00)

- Nën patronatin e Presidentes së Republikës së Kosovës, Vjosa Osmani- Sadriu, organizohet premiera e filmit "Zgjoi". (Cineplexx -Albi Mall, ora 18:00)

- Mbahet edicioni i trtë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 18:30)