12 Prill 2021

Tregu i automjeteve komerciale në BE tkurret me 7.2 për qind në janar

Bruksel, 24 shkurt - Tregu i Bashkimit Evropian për automjetet komerciale vazhdoi të tkurret në muajin e parë të vitit 2021, me rënie të regjistrimeve të reja prej 7.2 për qind.

Numri i regjistrimeve të automjeteve komerciale ishte 141.462 njësi muajin e kaluar, njoftoi Shoqata Evropiane e Prodhuesve të Automjeteve (ACEA).

"Kërkesa u tkurr në të gjitha segmentet, megjithëse rënia e shitjeve të furgonëve të rinj kishte ndikimin më të madh, pasi ky segment përbënte më shumë se 80 për qind të regjistrimeve totale të automjeteve komerciale të BE-së", theksoi ACEA.

Me përjashtim të Francës (plus 5.7 për qind), të gjithë tregjet kryesore të BE-së si Spanja (minus 29.3 për qind), Gjermania (minus 17.1 për qind) dhe Italia (minus 6.7 për qind) regjistruan rënie muajin e kaluar.

Gjatë muajit të parë të vitit 2021, segmenti i automjeteve të lehta tregtare u tkurr me 7.1 për qind, me 116.177 automjete të reja të regjistruara në të gjithë BE-në.

Franca, tregu kryesor për nga vëllimi, ishte tregu i vetëm kryesor i furgonëve që pa rritje (plus 7.4 për qind) në janar.

Kërkesa e BE-së për kamionë të rinj të mesëm dhe të rëndë shënoi rënie me 5.8 për qind në 22.795 njësi.

Përveç autobusëve të mesëm dhe të rëndë, kërkesa për kamionë të rinj në të gjithë BE-në shënoi rënie deri në 24.1 për qind në periudhën e njëjtë.

 

Kalendari

Ngjarjet e datës 13 Prill 2021

- Mbahet mbledhja e Komisionit për Ekonomi, Industri, Ndërmarrësi dhe Tregti në të cilën do të behët konstituimi i Komisionit. (Ndërtesa e Kuvendit, salla N303, ora 10:00)

- Mbahet seanca gjyqësore kundër të pandehurit Basri Maksuti për vepren penale 'Falsifikimi i rezultateve të votimit'. (Gjykata Themelore në Ferizaj, ora 10:00)

- Mbahet mbledhja e Komisionit për Qeverisje Lokale, Zhvillim Rajonal dhe Media në të cilën do të behët konstituimi i Komisionit. (Ndërtesa e Kuvendit, salla N204, ora 10:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N302, ora 10:00)

- Rolling Film Festivali i cili organizohet nga OJQ Roma Versitas Kosovo dhe Romawood mban konferencën për media. (Kino Armata, ora 11:00)

- Mbahet mbledhja konstituive e komisionit për Integrim Evropian. (Ndërtesa e Kuvendit, salla N10, ora 11:00)

- Mbahet mbledhja konstituive e komisionit për Shëndetësi. (Ndërtesa e Kuvendit, salla N302, ora 11:00)

- Fondi i Sfidave të Kosovës organizon eventin online për shpalljen e thirrjes së parë për shprehje interesi, në mbështetje të projekteve të trajnimit bashkëpunues. (Platforma Zoom, ora 11:00)

- Akademia Diplomatike e Ministrisë së Punëve të Jashtme dhe Diasporës dhe Ambasada e Republikës së Francës në Republikën e Kosovës, nënshkruajnë Memorandum Mirëkuptimi. (Ministria e Punëve të Jashtme dhe Diasporës, ora 11:30)

- Mbahet mbledhja konstituive e komisionit për Bujqësi, Pylltari, zhvillim Rural, Mjedis dhe Infrastrukturë. (Ndërtesa e Kuvendit, salla N303, ora 13:00)

- Partia Liberale Egjiptiane do të dorëzojë ankesë në Gjykatën Kushtetuese lidhur me te drejtën e tyre të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit Serb në zgjedhjet e parakohshme të 14 Shkurtit. (Gjykata Kushtetuese, ora 13:00)

- Mbahet mbledhja konstituive e komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N302, ora 13:00)

- Aleanca Kosovare e Bizneseve mban konferencën për media lidhur me një studim hulumtues për qytetarët kosovar që vizituan Shqipërin dhe Malin e Zi, si pasojë e kufizimit dhe mbylljes në Kosovë e që këto patën pasoja ekonomike dhe financiare për vendin tonë. (Zyret e AKB-së, ora 13:30)