26 Shtator 2020

Tregtia me pakicë e pajisjeve informatike dhe të komunikimit regjistron rritje

Prishtinë, 15 shtator - Agjencia e Statistikave të Kosovës (ASK) ka publikuar “Statistikat Afatshkurtra të Tregtisë me Pakicë” për tremujorin e dytë (TM2) 2020.

Përmes këtij publikimi janë prezantuar të dhëna për qarkullimin dhe numrin e të punësuarve.

Në tremujorin e dytë të vitit 2020, krahasuar me tremujorin e parë të vitit 2020, ka pasur rritje te:  Tregtia me pakicë e pajisjeve informatike dhe të komunikimit, në dyqane të specializuara (32.6%); Tregtia me pakicë e pajisjeve të tjera shtëpiake, në dyqane të specializuara (14.6%); dhe Tregtia me pakicë jo në dyqane, tezga ose tregje (10.6%).  

Derisa, gjatë këtij tremujori, kanë shënuar rënie: Tregtia me pakicë e karburantit për automjete, në dyqane të specializuara (9.1%); Tregtia me pakicë e produkteve ushqimore, pijeve dhe duhanit, në dyqane të specializuara (7.1%); Tregtia me pakicë e mallrave të tjera, në dyqane të specializuara (6.5%); Tregtia me pakicë e mallrave kulturore dhe të argëtimit, në dyqane të specializuara (4.7%); dhe Tregtia me pakicë e mallrave të tjera, në dyqane jo të specializuara (0.7%). 

Kalendari

Ngjarjet e datës 26 Shtator 2020

- Partia Socialdemokrate do të mbaj një aktivitet afër bankës "Pro Credit Bank". (Përballë rektoratit të UP-së, lagjia "Tre Sheshirat", ora 13:00)

- Platforma Bashkë-krijuese GërrGërr organizon ditën e dytë të programit, “Kuzhina Anasjelltas”. (Kino Bahçe, te Lumbardhi në Prizren, ora 18:00)

- Mbahet nata e dytë e edicionit të festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, ora 18:30)