27 Shtator 2020

Tregjet e aksioneve në të gjithë botën shënuan serish rënie

New York, 28 shkurt - Tregjet e aksioneve në të gjithë botën shënuan një rënie të ndjeshme sërish të enjten, dita e katërt me radhë shoqëruar me rënie për shkak të frikës nga përhapja në rritje e koronavirusit të ri dhe efektit të saj në tregtinë globale.

Tregjet evropiane shënuan një rënie me rreth 3 për qind në tregtinë e pasdites vonë, ndërsa tregjet kryesore të shkëmbimit në New York u ulën me rreth 2 për qind më herët gjatë ditës. Edhe tregjet aziatike ofruan një situatë të trazuar ditën e enjte.

Zyrtarët amerikanë të Shëndetit kanë paralajmëruar për përhapje të koronavirusit në Shtetet e Bashkuara, ndërsa deri tani është raportuar një numër rastesh relativisht i vogël në vend.

Rënia në tregjet amerikane u vu re edhe disa orë pas komenteve të Presidentit Donald Trump të mërkurën në mbrëmje i cili tha se rreziku për SHBA-në është "shumë i ulët". 

Kalendari

Ngjarjet e datës 27 Shtator 2020

- Kryetari i Komunës së Prizrenit, Mytaher Haskuka do të merr pjesë në aktivitetin “Race for the Cure” të organizuar nga OJQ “Renesansa”, në mbështetje të të mbijetuarve nga kanceri i gjirit, ku të pranishëm do të jenë edhe kryetarja e Kuvendit të Kosovës, Vjosa Osmani dhe përfaqësuesit nga misione të huaja në Kosovë. (Sheshin e Dëshmorëve në Prizren, ora 10:00)

- Organizata X40 dhe Fondacioni Kosovar për Shoqëri Civile organizojnë tryezën e diskutimit “Lum Lumi” në të cilën do të diskutohet për dëmtimin e lumenjëve nga hidrocentralet në Kosovë. (Kino Lumbardhi Prizren, ora 11:00)
 
- Për nder të Ditës Botërore të Turizmit, nën organizimin e Drejtorisë së Turizmit dhe Zhvillimit Ekonomik të Komunës së Prizrenit do të bëhet përurimi i projektit “Shenjëzimi i 10 shtigjeve të ecjes”, projekt i bashkëfinancuar nga Bashkimi Evropian. (Në afërsi të fshatit Mushnikovë, afër Hotel Gold në Prizren, ora 13:00)

- Në ditën e tretë të edicionit të festivalit Lahuta, Okarina Polifionia mbahet kongresi i Lahutareve te trojeve shqiptare. (Ambientet e Qendrës për zhvillimin e kultures tradicionale në Prishtinë, ora 15:00)

- Platformës Bashkë-krijuese organizon ekspediten e gastronimise shqiptare. (Kino Bahçe, te Lumbardhi në Prizren, ora 18:00)